Fitch-ը նվազեցրել է համաշխարհային ՀՆԱ աճի կանխատեսումը

Համաշխարհային ՀՆԱ աճի կանխատեսումը 2023 թվականի համար 2,7%-ից իջեցվել է մինչեւ 1,7%: Fitch-ն ակնկալում է, որ Եվրոգոտու եւ Մեծ Բրիտանիայի տնտեսությունները ռեցեսիայի մեջ կհայտնվեն արդեն այս տարի, մինչդեռ ԱՄՆ-ն մեղմ ռեցեսիային կբախվի 2023 թվականի կեսին: Եվրոգոտու ՀՆԱ-ն, ըստ գործակալության նոր կանխատեսման, 2023 թվականին գազի ճգնաժամի հետեւանքով կնվազի 0,1%-ով: Նոր կանխատեսումը հաշվի է առնում Ռուսաստանից Եվրոպա գազատարով գազամատակարարման ամբողջական կամ գրեթե ամբողջական դադարեցումը: ԱՄՆ տնտեսության համար ընթացիկ տարվա աճի կանխատեսումը 2,9%-ից վատթարացել է մինչեւ 1,7%, 2023 թվականի համար՝ 1,5%-ից մինչեւ 0,5%: Իսկ Չինաստանի ՀՆԱ-ն 2022-ին կաճի 2,8%-ով եւ 4,5%-ով՝ հաջորդ տարի: Հուլիսին կանխատեսվում էր Չինաստանի տնտեսության աճ՝ համապատասխանաբար 3,7%-ով եւ 5,3%-ով: