Ուսումնասիրություն. 9 ամսվա պետական բյուջեի կատարումը պլանից շեղվել է 283.8 մլրդ դրամով

ԼՈՒՅՍ հիմնադրամն ուսումնասիրել է 2022թ. առաջին 9 ամսվա Հայաստանի բյուջեի կատարման հաշվետվությունը ու եզրակացրել, որ Պետական բյուջեի եկամուտների գերակատարման և ծախսերի թերակատարման 9 ամսվա արդյունքներով ձևավորվել է պետական բյուջեի հավելուրդ պլանավորված պակասուրդի փոխարեն:Պետական բյուջեի ծախսերը ճշտված պլանի համեմատ թերակատարվել են: Թերակատարվել են թե ընթացիկ, և թե կապիտալ ծախսերը: Թերակատարման ծավալը նախորդ տարվա նույն ժամանակահատվածի համեմատ ավելացել է: Թերակատարում է արձանագրվել պատասխանատու բոլոր մարմինների ծրագրերի գծով: Այսինքն` չնայած , որ բյուջեով գումարը նախատեսվում և հատկացվում է, ծրագրերն ամբողջությամբ կամ մասնակիորեն չեն իրականացվում, ինչը, թերևս, վկայում է պետական մարմինների ոչ բավարար արդյունավետ աշխատանքի մասին: Ուսումնասիրության մեջ նշվում է, որ Փաստացիորեն՝ բյուջեի կատարումը պլանից շեղվել է 283.8 մլրդ դրամով: