Աշնանացան․ Գեղարքունիքի մարզում նախորդ տարվա համեմատ կատարվել է 2221 հեկտարով ավելի աշնանացան Գեղարքունիքի մարզի տնտեսություններում ավարտվում է աշնանացան ցորենի ցանքը։ Մարզպետարանը տեղեկացնում է, որ նոյեմբերի առաջին տասնօրյակի տվյալով Գեղարքունիքի մարզում կատարվել է 11 հազար 835 հեկտար աշնանացան։ Առավել մեծ ծավալի աշնանացան կատարվել է Վարդենիսում՝ մոտ 7501,3 հեկտար։ Թվերից պարզ է դառնում, որ նախորդ տարվա համեմատ աշնանացանը մարզում ավելացել է 2221 հեկտարով, որն առաջին հերթին պայմանավորված է պետական աջակցության տրամադրմամբ: