Տվյալներ. Հայաստանում շինարարության ծավալը 9 ամսում աճել է 14 տոկոսով

Այս տարվա հունվար - սեպտեմբերին Հայաստանում շինարարության ծավալը կազմել է՝ 300 մլրդ 215 մլն դրամ: 9 ամսում այն աճել է 14.3 տոկոսով: Հիմնական աճն ապահովել է կազմակերպությունների միջոցների հաշվին իրականացվող շինարարությունը, այն աճել է 33.5 տոկոսով: Նրանք իրականացնում են ընդհանուր շինարարության 47 տոկոսը, պետբյուջեի միջոցներով կատարվում է մոտ 28 տոկոսը, իսկ մոտ 20 տոկոս կազմում է բնակչության միջոցներով իրականացված շինարարությունը: Շինարարության 42 տոկոսը բաժին է ընկնում Երևանին, հաջորդում են Կոտայքի և Սյունիքի մարզերը: Մասնագետները կարևոր են համարում, որ այս ոլորտում կա որոշակի ապակենտրոնացման գործընթաց: Շինարարության առումով Հայաստանում այս տարի ամենաակտիվ ամիսը, ըստ ծավալի, եղել է սեպտեմբերը: