Արցախում գրանցվել են նոր տնտեսավարողներ

2020 թվականի պատերազմից հետո գրեթե բոլոր հարկ վճարողներն Արցախում դադարեցրել էին գործունեությունը, բայց 2021-ի 2-րդ եռամսյակից նկատվել է աշխուժացում: Շատերը վերսկսել են գործունեությունը, գրանցվել են նոր տնտեսավարող սուբյեկտներ: Արցախի պետական եկամուտների կոմիտեի կազմակերպական և եկամուտների հաշվառման վարչության պետ Մանուշ Հովհաննիսյանը հայտնել է, որ գործունեությունը վերսկսած հարկ վճարողներից 152-ը Ադրբեջանի վերահսկողության տակ անցած տարածքներում նախկինում գործունեություն իրականացրած հարկ վճարողներ են, այդ թվում` 52-ը Հադրութից, 21-ը` Քաշաթաղի, 48-ը Շուշիի և 31-ը` Շահումյանի շրջաններից: Այդ հարկ վճարողները գործունեություն են իրականացնում հիմնականում շինարարության և առևտրի ոլորտներում: