Լիցենզավորում. Անհատ տաքսիստը պետք է մինչև դեկտեմբերի 15-ը լիցենզավորվի, գա օրենքի դաշտ, այլապես կտուգանվի Հայաստանում տաքսի ծառայությունների մեծ մասը լիցենզավորված չէ, գործում է անօրեն, ավելի հաճախ՝ առանց տարբերանշանի: Անհատ տաքսու վարորդին որևէ կառույց չի վերահսկում արդեն մի քանի տարի, ազատված են հարկ ու տուրք վճարելուց: Սակայն դա նրանց չի խանգարում երթևեկել նվազագույնը մինչև 2000 դրամով: Քաղաքաշինության, տեխնիկական և հրդեհային անվտանգության տեսչական մարմնի մասնագետներն սկսել են իրազեկման արշավ, վարորդներին տեղեկացնում, հորդորում են՝ մինչև դեկտեմբերի 15-ը լիցենզավորվել, գալ օրենքի դաշտ: Կառավարության որոշմամբ՝ չլիցենզավորված տաքսու վարորդը կտուգանվի: Տեսչականւ հիշեցնում է՝ լիցենզավորման դաշտ գալով՝ անհատ տաքսիստը հարկային պարտավորություն չի ունենալու, պարզապես պարտավորվելու է մեքենայի վրա տարբերանշան ունենալ ու մինիմալ արժեք փակցնել: