Բեռների շարժը Հայաստանում փոխվել է․ նոր թվերը ցույց են տալիս անսպասելի միտումներ

ՀՀ վիճակագրական կոմիտեի հրապարակած տվյալների համաձայն՝ 2025 թվականի հունվար-ապրիլ ամիսներին Հայաստանում բեռնափոխադրումների ընդհանուր ծավալը կազմել է 4 մլն 709.9 հազար տոննա։ 2024 թվականի համադրելի ժամանակաշրջանի հետ համեմատությամբ արձանագրվել է 0․8% աճ։

Երկաթուղային բեռնափոխադրումներ

2025թ. հունվար-ապրիլին երկաթուղային բեռնափոխադրումների ծավալը կազմել է 464.6 հազար տոննա, ինչը 22․7%-ով ավել է 2024թ. նույն ժամանակահատվածի համեմատ։

Մասնավորապես՝

• Արտահանվել է 105.5 հազար տոննա բեռ,

• Ներկրվել է 218.7 հազար տոննա բեռ,

• Ներհանրապետական բեռնափոխադրումները կազմել են 140.4 հազար տոննա։

Ավտոմոբիլային բեռնափոխադրումներ

Ավտոմոբիլային բեռնափոխադրումների ծավալը կազմել է 3 մլն 455.4 հազար տոննա։ Սա 2024թ. հունվար-ապրիլի համեմատությամբ նվազել է 2․2%-ով։

Մասնավորապես՝

• Արտահանվել է 220.1 հազար տոննա բեռ,

• Ներկրվել է 1 մլն 222.3 հազար տոննա բեռ,

• Ներհանրապետական բեռնափոխադրումների ծավալը կազմել է 2 մլն 13 հազար տոննա։

Օդային բեռնափոխադրումներ

Օդային բեռնափոխադրումների ծավալը կազմել է 12.7 հազար տոննա, ինչը 2024թ. նույն ժամանակահատվածի համեմատ ավելացել է 5.8%-ով։

Մասնավորապես՝

• Արտահանվել է 6.3 հազար տոննա բեռ,

• Ներկրվել է 6.4 հազար տոննա բեռ։

Խողովակաշարային բեռնափոխադրումներ

Մայրուղային խողովակաշարային բեռնափոխադրումների ծավալը կազմել է 777.2 հազար տոննա։ Սա 3.7%-ով նվազ է նախորդ տարվա նույն ժամանակահատվածի համեմատ։