Պետական եկամուտների կոմիտեն, արձագանքելով ՀՀ Ազգային Ժողովի նիստի ընթացքում բենզալցակայաններում ՀԴՄ կտրոնների չտրամադրման և գազալցակայաններում անկանխիկ վճարումների հետ կապված արհեստական խոչընդոտների վերաբերյալ պատգամավորների բարձրացրած մտահոգություններին, հայտնում է, որ որոշակի դեպքերում կիսում է այդ մտահոգությունները:
Միաժամանակ, կոմիտեն ընդգծում է, որ այս ոլորտը գտնվում է ՊԵԿ-ի առանձնահատուկ վերահսկողության ներքո: ՊԵԿ-ը շնորհակալություն է հայտնում պատգամավորներին, ովքեր անդրադառնում են հարկային կարգապահության խնդիրներին՝ նպաստելով դրանց բարելավմանը և խնդիրների լուծմանը:
ՊԵԿ-ը նաև կարևոր է համարում տեղեկացնել բենզալցակայաններում և գազալցակայաններում իրականացրած հսկողական գործողությունների և դրանց արդյունքների մասին: 2024 թվականի հունվար-օգոստոս ամիսներին բենզալցակայանների կողմից ՀԴՄ շահագործման կանոնների խախտումներ արձանագրվել են 60 դեպքով, ինչի հետևանքով տուգանքների ընդհանուր չափը կազմել է շուրջ 68 միլիոն 563 հազար դրամ: Գազալցակայաններում արձանագրվել է 25 խախտում, իսկ տուգանքների ընդհանուր գումարը կազմել է 23 միլիոն դրամ:
Ավտոգազալցակայաններում իրականացված չափագրման ուսումնասիրությունների արդյունքում 2024 թվականի հունվար-օգոստոս ամիսներին 11 հարկ վճարողի նկատմամբ հայտնաբերվել են խախտումներ, որոնք հանգեցրել են 2․026 միլիարդ դրամի չափով տուգանքների: Օրինակ՝ «Օլիվեստա» ընկերությանը առաջադրվել է 743 միլիոն դրամի տուգանք, իսկ «Ջի Բի Ար» ընկերությանը՝ 506 միլիոն դրամի տուգանք:
2023-2024 թվականների ընթացքում վառելիքի ոլորտում ՊԵԿ հետաքննության և օպերատիվ հետախուզության վարչության կողմից իրականացվել է 41 հետախուզական միջոցառում, որոնց արդյունքում պետությանը պատճառված վնասը գնահատվել է ավելի քան 6․6 միլիարդ դրամ։ Այս դեպքերի կապակցությամբ նախաձեռնվել է 19 քրեական վարույթ:
«Անկանխիկ գործառնությունների մասին» ՀՀ օրենքի խախտումների վերաբերյալ ՊԵԿ-ը 2024 թվականի հունվար-օգոստոս ամիսներին արձանագրել է 928 խախտում, ինչի արդյունքում առաջադրվել է 313 միլիոն 600 հազար դրամի տուգանք:
Միաժամանակ, ՊԵԿ-ը տեղեկացնում է, որ 2024 թվականի հունվար-օգոստոս ամիսների ընթացքում իրականացվել է 469.6 միլիոն գործարք` 8 տրլն 577.8 միլիարդ դրամ արժեքով, ինչը գերազանցել է նախորդ տարվա ցուցանիշները: ՀԴՄ գործարքների քանակը կազմել է 438.4 միլիոն, իսկ անկանխիկ գործարքների թիվը՝ 93.4 միլիոն, որոնք ևս աճել են անցյալ տարվա համեմատ:
ՊԵԿ-ը նաև նախաձեռնել է օրենսդրական փոփոխություններ, որոնք ուղղված են օրինապահ հարկ վճարողներին պաշտպանելուն և հարկային խախտումները «ոչ ձեռնտու» դարձնելուն:
ABNews
Պետական եկամուտների կոմիտեն կխստացնի վերահսկողությունը վառելիքի շուկայում
Լուրեր | 2024/09/11 11:16
Տարածել
Կարդացեք նաեւ
Լուրեր | 2026/10/17 17:08
Ընդերքը ՀՀ ժողովրդի ու պետության սեփականությունն է, հանքարդյունաբերության ոլորտը շահագործողն է․ վարչապետ
Հանքարդյունաբերության ոլորտի կարևոր մարտահրավերներից մեկն այն է, որ Հայաստանի քաղաքացիները ոլորտը համարեն իրենցը, այսինքն օտարության ու շահագործման տպավորություն չթողնի ոլորտը, հայտարարել է Նիկոլ Փաշինյանը՝ «Հայաստանի հանքարդյունաբերական ֆորում 2026»-ի ժամանակ«Ընդերքը ՀՀ ժողովրդի ու պետության սեփականությունն է, հանքարդյունաբերության ոլորտը շահագործողն է, այսինքն իրականացնողն է տեխնոլոգիական գործու...
Լուրեր | 2026/10/17 17:04
Հայաստանում կստեղծվի հանքարդյունաբերության և մետալուրգիայի ոլորտի վերլուծական կենտրոն
Հայաստանի տարածքային կառավարման և ենթակառուցվածքների նախարարության ու Հայաստանի հանքարդյունաբերության և մետալուրգիայի ասոցիացիայի միջև համագործակցության հուշագիր է ստորագրվել։Փաստաթուղթը ստորագրվել է Ծաղկաձորում անցկացվող Mining Armenia Forum 2026 համաժողովի շրջանակում և նախատեսում է լեռնամետալուրգիական ոլորտի վերլուծական կենտրոնի (think tank) ստեղծում։Կենտրոնը կծառայի որպես հետազոտությունների, քա...
Լուրեր | 2026/10/17 15:39
ՀՀ տնտեսության լոկոմոտիվը ապագայում դառնալու է հենց հանքարդյունաբերությունը. «ԶՊՄԿ»–ի գլխավոր տնօրեն
Հայաստանի տնտեսության լոկոմոտիվը արդեն իսկ հանքարդյունաբերությունն է, իսկ ապագայում էլ ավելի կդառնա, այս մասին Mining Forum Armenia 2026-ին լրագրողների հետ զրույցում հայտնեց «ԶՊՄԿ»-ի գլխավոր տնօրեն Ռոման Խուդոլին։«Ասոցիացիան արդեն երրորդ տարին է, ինչ անցկացնում է այս ֆորումը: Սա երկրում ամենաներկայացուցչական հարթակն է՝ տարբեր կողմերի նախ և առաջ կառավարության ու ընդերքօգտագործողների, ինչպես նաև սպա...
Լուրեր | 2026/10/16 20:20
Հոկտեմբերի 16-ի կարևոր լուրերը
1. Նիկոլ Փաշինյանը ելույթ է ունեցել COP-17 գագաթնաժողովի լիագումար նիստի բացմանըԿենսաբազմազանության հարցերով առաջնորդների գագաթնաժողովի բացմանը ՀՀ վարչապետ Նիկոլ Փաշինյանը հանդես է եկել ելույթով:Պատմական ակնարկ. Վարչապետը նշել է, որ 1990-ականների էներգետիկ ճգնաժամի և ԽՍՀՄ փլուզման դժվարին տարիներին բնությունը մեծապես աջակցեց բնակչությանը, սակայն կրեց ծանր վնասներ (զանգվածային անտառահատումներ, որսա...