Evoca-ն միացել է UBPay արագ դրամական փոխանցումների համակարգին

UBPay համակարգը հնարավորություն է տալիս ուղարկել կամ ստանալ գումար տարբեր արժույթներով։ Նոր համագործակցության արդյունքում փոխանցումները կլինեն ավելի պարզ և արագ։ Հաճախ կատարում ես փոխանցումնե՞ր ՀՀ տարածքում և դեպի այլ երկրներ կամ ստանում գումա՞ր, ուրեմն մեր նոր փոխանցումների համակարգը քեզ հաստատ դուր կգա։ Evocabank-ը միացել է UBPay արագ դրամական փոխանցումների համակարգին, որի միջոցով ֆիզիկական անձինք կարող են գումար փոխանցել կամ ստանալ Հայաստանում և Հայաստանից դուրս՝ ՀՀ դրամ, ԱՄՆ դոլար, Եվրո և ՌԴ ռուբլի արժույթներով։ Վճարային համակարգի սակագինը ցանկացած ուղղությամբ կազմում է 1%։ Եթե համակարգի ներսում կատարվում է արտարժույթի փոխարկում, միջնորդավճար չի գանձվում: UBPay ծառայությունից կարող ես օգտվել Evocabank-ի ցանկացած մասնաճյուղում, ինչպես նաև EvocaTOUCH հավելվածում՝ փոխանցումներդ ցանկացած պահի և ցանկացած վայրից ավելի արագ ու հարմար կատարելու համար։ Բանկի մասնաճյուղերի հասցեները և աշխատանքային ժամերը կգտնես այստեղ։ Մեզ հետ քո ցանկացած ֆինանսական գործարք ավելի հեշտ է, հարմար ու ակնթարթային։ UBPay-ի մասին UBPay դրամական փոխանցումների հայաստանյան վճարահաշվարկային համակարգը տրամադրում է դրամական փոխանցումների հետ կապված տեխնոլոգիական լուծումների հարթակ: Կազմակերպության առաքելությունն է՝ ապահովել պարզ և արագ դրամական փոխանցումների իրականացում ամբողջ աշխարհում: Կայք՝ www.ubpay.am