Լոռու մարզում նոր անտառ է հիմնվում

Ակբա բանկի աշխատակիցները Լոռու մարզի Ուրասար գյուղում հավաքվել են հոգ տանելու բնության մասին և ստեղծելու ավելի կանաչապատ երկիր։ Ուրասարի բարձունքները հաղթահարելուց հետո բանկի աշխատակիցները մեկնարկեցին ծառատունկը։ Անտառների վերականգնման աշխատանքը և հարուստ կենսաբազմազանությամբ երկարակյաց անտառ ստեղծելու ցանկությունը կրկին միավորել է «Իմ անտառ Հայաստան» կազմակերպությանն ու Ակբա բանկին։  Այս տարի Ակբա թիմը տնկեց կեչիներ։ Կեչիները համապատասխանում են Ուրասարի կլիմայական և հողային պայմաններին, այդ պատճառով էլ ընտրվել է գեղեցիկ կեղևով և տերևներով այս ծառատեսակը։ [caption id="attachment_33648" align="alignnone" width="1200"] default[/caption] «Իմ անտառ Հայաստան» կազմակերպությունը սահմանել է նոր նշաձող. մինչև 2025թ. տարեկան տնկելու է  800,000 ծառ, որի արդյունքում կտնկվի 240 հեկտար նոր անտառ։ «Ակբա բանկը հիմնադրման առաջին իսկ օրվանից կարևորում է շրջակա միջավայրի զարգացումն ու պահպանումը։ Այս նպատակով ամեն տարի հավաքվում ենք, որ մեր ներդրումն ունենանք շրջական միջավայրի կանաչապատման գործում»,- նշել է Ակբա բանկի տաղանդների ներգրավման թիմի ղեկավար Անի Պողոսյանը։ ««Իմ անտառ Հայաստանի» հիմնական նպատակն է Հայաստանում հնարավորինս շատ անտառներ տնկել, անտառային տարածքներն ավելացնել։ Հայաստանն աղքատ է անտառային լանդշաֆտով։ Ակբա բանկի հետ, որը մեր «դոնոր» ընկերություններից է, տնկեցինք կեչիներ։ Մեր նպատակը ոչ միայն անտառ տնկելն է, այլև Հայաստանի քաղաքացիների հետ այդ աշխատանքը կատարելն է, որ մարդիկ իմանան անտառների կարևորությունը»,- նշել է «Իմ անտառ Հայաստան» կազմակերպության կորպորատիվ կապերի համակարգող Արփինե Ալեքսանյանը։ Ակբա բանկն արդեն 2-րդ տարին է, որ միացել է «Իմ անտառ Հայաստանի» նախաձեռնությանը. կանաչ տարածությունները մեծացնելու համար տնկվում են  հազարավոր ծառեր։ Բանկը վերահսկվում է ՀՀ ԿԲ կողմից։ Մանրամասն՝ տեսանյութում։   https://youtu.be/R1N_XDcjBGs?si=gexoB3RNTCp_9Sa6