2023թ. Հունիսի դրությամբ Հայաստանյան 67,377 կազմակերպությունում գրանցված է 725,972 աշխատակից

2023թ. Հունիսի դրությամբ ՀՀ-ում գործող 67,377 կազմակերպությունում գրանցված է 725,972 աշխատակից։ Միջինում մեկ կազմակերպությունում աշխատում է 10.8 աշխատակից և ստանում է 267,691 դրամ աշխատավարձ։ Մասնավորապես, 1-9 աշխատակից ունեցող կազմակերպությունների թիվը 56,680 է, ինչը կազմում է կազմակերպությունների ընդհանուր թվի 84.1%-ը։ 1-9 աշխատակից ունեցող կազմակերպություններում զբաղված է 141,418 աշխատող։ Այս կազմակերպություններում միջինում աշխատում է 2.5 աշխատող՝ 129,033 դրամ աշխատավարձով։ 10-49 աշխատակից ունեցող կազմակերպություների քանակը 8,502 է, ինչը կազմում է կազմակերպությունների ընդհանուր թվի 12.6%-ը։ 10-49 աշխատակից ունեցող կազմակերպություններում զբաղված է 176,576 աշխատող։ Այս կազմակերպություններում միջինում աշխատում է 20.8 աշխատակից՝ 214,022 դրամ աշխատավարձով,- մանրամասն՝ այստեղ: