Հայաստանում պատրաստված հրուշակեղենն այսուհետ կարտահանվի Եվրամիության երկրներ Սննդամթերքի անվտանգության տեսչական մարմնի (ՍԱՏՄ) կողմից ձեռնարկված երկարատեւ բանակցությունների արդյունքում Եվրոպական հանձնաժողովի առողջապահության եւ սննդամթերքի անվտանգության գլխավոր տնօրինությունը Հայաստանն ընդգրկել է Եվրամիության կողմից լիազորված երրորդ երկրների ցանկում,- գրում է banks.am-ը: ՍԱՏՄ-ից հայտնել են, որ Եվրամիության երկրներ կարող է արտահանվել Հայաստանում արտադրված կաթի եւ/կամ ձվի պարունակությամբ պատրաստված կոմպոզիտային արտադրանք (սննդամթերք, որը պարունակում է ինչպես բուսական ծագման, այնպես էլ կենդանական ծագման վերամշակված արտադրանք): Նշվում է, որ որոշումը կայացվել է Հայաստանում սննդամթերքի անվտանգության ոլորտի գործառույթների, ինչպես նաեւ իրականացվող վերահսկողության արդյունքների հիման վրա: