Mastercard-ն իր բլոկչեյն ցանցում կսկսի թոքեններով ավանդների փորձարկումները

Mastercard-ը գործարկում է Multi-Token ցանցային հարթակ՝ թոքեններով ավանդները փորձարկելու համար: Նախագծին առաջինը կմասնակցեն Մեծ Բրիտանիայի ֆինանսական հաստատությունները,- գրում է Fintech.am-ը։ Բանկերին հասանելի կլինի MTN գործառույթը՝ նման ավանդների օգտագործման հնարավոր դեպքեր մշակելու համար: Mastercard-ի Cryptocurrency-ի և Blockchain-ի ղեկավար Ռաջ Դամոդարանը նշում է, որ ապագայում այս պրակտիկան պետք է տարածվի կարգավորվող սթաբլքոինների և CBDC թվային ազգային արժույթների վրա: «Մենք սկսում ենք ստեղծել թոքեններով բանկային ավանդներ: Բանկային հաշվի դրամական միավորը հանդես է գալիս որպես թվային ակտիվ բլոկչեյնում՝ ապահովելով ծրագրավորման նույն մակարդակը, ինչ թվային արժույթները կրիպտոէկոհամակարգում»,- պարզաբանել է Դամոդարանը: