Ռուսաստանը պատրաստ է իր ներդրումն ունենալ Երևանի ու Բաքվի միջև հարաբերությունների կարգավորման հարցում. Գալուզին ՌԴ ԱԳ փոխնախարար Միխայիլ Գալուզինը հայտարարել է, որ Ռուսաստանը պատրաստ է աջակցել Հայաստան-Ադրբեջան հարաբերությունների կարգավորմանը՝ հիմնվելով 2020 և 2022 թթ. եռակողմ համաձայնագրերի վրա։ Նրա խոսքով՝ առաջնահերթ են խաղաղության պայմանագրի նախապատրաստումը, հաղորդակցությունների ապաշրջափակումը, սահմանազատումը և քաղհասարակությունների միջև երկխոսությունը։ Ռուսական կողմը պատրաստ է շարունակել իր ներգրավվածությունը՝ կողմերի ցանկության դեպքում։