Ներդրումային ոլորտը հոկտեմբերի 10-ին Համաշխարհային ինդեքսներ Ամերիկյան ինդեքսները չորեքշաբթի փակվել են կանաչ գոտում: Dow Jones Industrial Average-ը աճել է 1.03%-ով՝ հասնելով 42,512.0 կետի: S&P 500-ի արժեքը աճել է 0.66%-ով՝ հասնելով 5,789.07 կետի: Հինգշաբթի S&P 500-ի ֆյուչերսը կորցնում է 0.14%: Ճապոնական Nikkei 225-ը նվազում է 0.96%-ով՝ հասնելով 39,291 կետի: Կորեական KOSPI-ն աճել է 0.36%-ով՝ հասնելով 2,604.43 կետի: Չինական Shanghai Composite-ը աճել է 1.65%-ով՝ հասնելով 3,312.46 կետի: Մակրոէկոնոմիկա 1․ Հնդկաստանի Կենտրոնական Բանկը (RBI) չի փոխել հիմնական տոկոսադրույքը և թողել է այն 6.5% տարեկան մակարդակում: 2․ ԱՄՆ-ում 30-ամյա հիփոթեքային վարկերի միջին տոկոսադրույքը աճել է 22 բ.կ.-ով՝ հասնելով 6.36% տարեկան մակարդակի: 3․ Գերմանիայի առևտրային հաշվեկշիռը, ըստ նախնական տվյալների, օգոստոսի վերջում աճել է 34%-ով՝ հասնելով 22.5 միլիարդ եվրոյի: Ապրանքային շուկաներ Ոսկու գինը նվազել է և առևտրվում է 2614.7 դոլար մեկ ունցիայի դիմաց: Նավթի գները չորեքշաբթի նվազել են: Brent նավթի գինը հասել է 77.0 դոլարի մեկ բարելի դիմաց, իսկ WTI-ի գինը՝ մոտ 73.7 դոլարի մեկ բարելի դիմաց: Կորպորատիվ իրադարձություններ/ միջոցառումներ 1․ ԶԼՄ-ների տվյալներով, ԱՄՆ արդարադատության նախարարությունը քննարկում է Google-ի բաժանումը մի քանի ընկերությունների՝ մենաշնորհային գործունեության համար պատժելու նպատակով: Հնարավոր միջոցառումները ներառում են Google-ին հարկադրելը վաճառելու իր բիզնեսի մի մասը, ինչպես նաև՝ բացառիկ պայմանագրերի արգելքը: 2․ Ավստրալիական Rio Tinto-ն համաձայնագիր է կնքել լիթիում արտադրող Arcadium ընկերությունը գնելու համար՝ 6.7 միլիարդ դոլարով: Գործարքը ամբողջությամբ վճարվելու է կանխիկ միջոցներով: Cube Invest