1.8 մլրդ դրամ՝ ջրամատակարարման, մանկապարտեզների և լուսավորության աշխատանքներին Կառավարությունը հուլիսի 10-ի նիստում որոշել է շուրջ 1.85 մլրդ դրամով համաֆինանսավորել համայնքային ենթակառուցվածքների զարգացման 15 սուբվենցիոն ծրագիր 11 համայնքում։ Ծրագրերն ընդգրկում են խմելու և ոռոգման ջրագծերի կառուցում, մանկապարտեզների կառուցում, լուսավորության համակարգերի անցկացում, տանիքների նորոգում և վերելակների փոխում։ Նշվում է, որ 2025 թվականի բյուջեից սուբվենցիոն ծրագրերի համար պետական համաֆինանսավորումը կգերազանցի 9.4 մլրդ դրամը։