Տեղական ▪️ «Դիմակայուն Սյունիք» ծրագրով ՀՀ-ն կստանա 50 մլն եվրո վարկ Ծրագիրը նախատեսում է բազմաոլորտային ներդրումներ Սյունիքում՝ կենտրոնանալով հակամարտության հետևանքով տուժած և տեղահանվածներին ընդունած համայնքների վրա։ Կառավարությունը պարտավորվում է համաֆինանսավորել չթույլատրվող ծախսերը։ ▪️ 11 համայնքի 15 սուբվենցիոն ծրագրերի համար կհատկացվի 1 մլրդ 849 մլն դրամ Նախագծերը վերաբերում են խմելու և ոռոգման ջրի համակարգերին, մանկապարտեզների, լուսավորության ցանցի, տանիքների և վերելակների վերանորոգմանը։ ▪️ ՀՀ-ն ներդաշնակեցնում է ավտոմոբիլային ոլորտի կանոնները ԵԱՏՄ-ի հետ Կառավարությունը հավանություն է տվել համաձայնագրի, որը միասնական նորմերով կդյուրացնի բեռնափոխադրումները ԵԱՏՄ երկրների միջև։ ▪️ Քննարկվել են ոսկեգործության և ադամանդագործության զարգացման հարցեր Էկոնոմիկայի նախարարությունում անդրադարձ է եղել միջազգային ցուցահանդեսներին ազգային տաղավարով մասնակցությանը, հարկային քաղաքականությանը և արտահանման խթանմանը։ Միջազգային ▪️ Տոկաևը պատասխանել է Թրամփի մաքսատուրքերի որոշմանը Ղազախստանի նախագահը հաստատել է երկխոսության պատրաստակամությունը և շեշտել՝ հետաքրքրված են արդար ու փոխշահավետ հարաբերություններով։ ▪️ Թրամփը 50% մաքսատուրք է սահմանել Բրազիլիայից ներկրվող ապրանքների նկատմամբ Ավելի վաղ նման սահմանափակումներ կիրառվել էին նաև Ճապոնիայի և Հարավային Կորեայի նկատմամբ՝ առևտրային դեֆիցիտը նվազեցնելու նպատակով։ ▪️ ԵՄ-ն քննարկում է Ուկրաինայի համար 100 մլրդ եվրոյի հատուկ հիմնադրամ ստեղծելը Ֆոնդը կարող է ընդգրկվել 2028-2034թթ․ ԵՄ բյուջեի մեջ՝ հաշվի առնելով հակամարտության ձգձգվող բնույթը։ ▪️ Բուլղարիան կմիանա եվրոգոտուն 2026 թվականի հունվարից ԵՄ ֆինանսների նախարարները պաշտոնապես հաստատել են այս որոշումը։ Բուլղարիան կլինի 20-րդ երկիրը, որը կանցնի եվրոյի։ Հետաքրքիր ▪️ ՊԵԿ-ի կայքում գործարկվել է շրջանառության հարկի հաշվիչ Այն թույլ է տալիս հարկ վճարողներին հաշվել շրջանառության հարկը՝ ըստ մուտքագրված տվյալների և գործունեության տեսակի։ https://youtu.be/WYMYsJfisQ4