ABNews
«Բիզնես գործընթացների օպտիմիզացիա AI-ով» դասընթաց՝ ԱրարատԲանկի ղեկավար անձնակազմի համար
Լուրեր | 2025/07/10 06:57
Բիզնես գործընթացների օպտիմիզացիա AI-ով՝ այս խորագիրն էր կրում Ծաղկաձորի Արարատ Ռեզորթ հյուրանոցում ԱրարատԲանկի ղեկավար անձնակազմի համար նախատեսված դասընթացը։
Այն կազմակերպվել էր ԱրարատԲանկի և «ռեԱրմենիա» ակադեմիայի համագործակցությամբ, մասնավորապես, վերջինիս կրթական ծրագրերի շրջանակում իրագործվող «AI քեզ բան» կրթական նախաձեռնության միջոցով:
Դասընթացի հագեցած և հետաքրքիր օրակարգը ներառում էր մեր շուրջն անընդհատ փոփոխվող իրականության ամենաարդիական հարցերը՝ AI հեղափոխության մասշտաբը և դրա ազդեցությունն ինչպես տնտեսության, այնպես էլ աշխատաշուկայի վրա։
Ֆինանսական ոլորտում արհեստական բանականության կիրառման առանձնահատկությունները ինտերակտիվ ձևաչափով ներկայացրեցին դասընթացավարներ Արշակ Ուլուբաբյանը, Արտակ Գրիգորյանը և Անահիտ Վարդանյանը։
Դասընթացն առավելապես ուղղված էր AI գործիքների կիրառմամբ մարդկային ռեսուրսների կառավարման, հանրության հետ կապերի, մարքեթինգի ոլորտներում արդյունավետ աշխատանքի, ժամանակի և այլ ռեսուրսների խնայողությանը։
«ԱրարատԲանկը կարևորեց դասընթացի անհրաժեշտությունը՝ հաշվի առնելով բանկային ոլորտի և AI-ի զարգացումները։ Ներկայացվեցին շատ տարբեր գործիքներ, որոնք կարող են հեշտ օգտագործվել բանկային ամենօրյա գործընթացներում և ստանալ առավելագույն արդյունք։
Կարևորում եմ նաև այն, որ դասընթացներին մասնակցում են ստորաբաժանումների ղեկավարները, սա կարևոր է հասկանալու համար, թե հատկապես որ գործընթացներում կարող է օգտագործվել արհեստական բանականությունը և նրանց օգնել թե՛ ժամանակի խնայման, թե՛ տեղեկատվության վերլուծության հարցում։ Մեկ այլ կարևոր ուղերձ դասընթացից՝ AI-ը չի գալիս մարդուն փոխարինելու, այն գալիս է մարդուն ուժեղացնելու և որքան գրագետ կարողանաս այն կիրառել, այնքան ավելի մրցունակ կլինես ապագայում»,- նշեց ԱրարատԲանկի Մարդկային ռեսուրսների կառավարման վարչության ղեկավար Իզաբելա Հովհաննիսյանը։
«Արհեստական բանականությունը շատ կարևոր դեր է զբաղեցնում հատկապես երիտասարդների կյանքում», համոզված է ԱրարատԲանկի Դիլինգային կենտրոնի տնօրեն Վլադիմիր Սարգսյանը․ «Եթե նախկինում երիտասարդները տեղեկատվությունը հայթայթում էին գրականության միջոցով, գրադարաններում, արխիվներում, այժմ ինչ-որ թեմայով հետաքրքրված լինելու դեպքում ավելի հեշտ տարբերակ կա՝ օգտվում ես արհեստական բանականությունից, ավելի արագ, ավելի հեշտ գտնում համապատասխան տեղեկատվությունը, կարողանում ես խմբագրել և ստանալ քեզ անհրաժեշտ նյութը՝ ներկայացնելով համապատասխան անձանց»։
https://youtu.be/5ZFX6Oy2zkY
«ռեԱրմենիա» ակադեմիան իր առջև խնդիր է դրել ամենաշատը 5 տարվա ընթացքում ամենաքիչը 1 մլն հայի դարձնել AI գրագետ։ Սա կարևոր է, քանի որ արհեստական բանականությունը շատ արագ փոխում է աշխարհը, տարբեր երկրներ մրցակցության մեջ են, թե որքան արագ կարող են այն յուրացնել։ Եվ քանի որ AI-ը յուրաքանչյուրիս արդյունավետությունը 5-10 անգամ մեծացնում է, դա կարող է մեծ ներուժ ունենալ հատկապես Հայաստանի պես փոքր երկրների համար, որոնք փոքր լինելով կարող են մեծ ազդեցություն ունենալ տարբեր ոլորտներում, այդ թվում բանկային։ Եվ այդ առումով ԱրարատԲանկն առաջադեմ է գտնվել»,- նշեց «ռեԱրմենիա» ակադեմիայի կրթական ծրագրերի համակարգող Արշակ Ուլուբաբյանը։
Դասընթացի ավարտին հաջորդեց օրվա ամենահաճելի պահերից մեկը՝ արհեստական բանականության հնարավորություններից սահուն անցում դեպի մարդկային ինտելեկտ, անմոռանալի էմոցիաներ և ժպիտներ։
Oրը հագեցավ թիմային միջոցառմամբ՝ թիմբիլդինգով, որն անցկացվեց ինտելեկտուալ խաղի ձևաչափով։ Հարցերը տարբեր ոլորտներից էին՝ ֆիլմեր, գրքեր, երաժշտություն, սահմանադրություն։ Արդյունքներն ամփոփելիս հաղթող ճանաչվեց «Արարատ» թիմը, բայց իրական հաղթանակը միասնականությունն էր, առողջ ու առաջ մղող թիմային ոգին։
ԱրարատԲանկը վերահսկվում է ՀՀ կենտրոնական բանկի կողմից
*գովազդ
Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար:
Տարածել
Կարդացեք նաեւ
Լուրեր | 2026/08/25 13:02
ՀՀ երկրորդ նախագահի նկատմամբ հարուցվել է հանրային քրեական հետապնդում
Դատախազը 2026 թվականի օգոստոսի 24-ին հանրային քրեական հետապնդում է հարուցել Հայաստանի Հանրապետության երկրորդ նախագահ Ռ.Ք.-ի նկատմամբ՝ պաշտոնեական լիազորությունները չարաշահելու (3 դրվագ), առանձնապես խոշոր չափերով կաշառք ստանալու (2 դրվագ) և առանձնապես խոշոր չափերով փողերի լվացում կատարելու համար (4 դրվագ)։ Դատախազը հանրային քրեական հետապնդում է հարուցել ևս 9 անձի նկատմամբ, որոնց թվում են՝ ՀՀ երկրոր...
Լուրեր | 2026/08/25 12:56
Ինչ եղանակ է սպասվում Հայաստանում
Օգոստոսի 25-27-ը Երևանում, Արարատյան դաշտում, Արագածոտնի, Կոտայքի և Վայոց ձորի նախալեռներում սպասվում է բարձր կարգի հրդեհավտանգ իրավիճակ։Երևանում օգոստոսի 25-ի ցերեկը, 26-ին սպասվում է առանց տեղումների եղանակ: Օգոստոսի 27-28-ը երեկոյան ժամերին, 29-30-ը՝ գիշերը և կեսօրից հետո, քաղաքի առանձին հատվածներում սպասվում է կարճատև անձրև և ամպրոպ։ Ամպրոպի ժամանակ և երեկոյան ժամերին սպասվում է քամու ուժգնացո...
Լուրեր | 2026/08/25 12:55
Հայաստանում աշխատողների թիվը հասել է 829,231-ի. ո՞ր ոլորտներն են ապահովում ամենաշատ աշխատատեղերը
ՀՀ վիճակագրական կոմիտեի հրապարակած վերջին տվյալների համաձայն՝ 2026 թվականի հունիսի դրությամբ Հայաստանում պաշտոնապես գրանցված աշխատողների թվաքանակը կազմել է 829,231 մարդ։ 2025 թվականի համադրելի ցուցանիշի համեմատ արձանագրվել է 4.1% աճ, ինչը վկայում է աշխատաշուկայում զբաղվածության աստիճանական ընդլայնման և տնտեսական ակտիվության մասին։1. Զբաղվածությունն ըստ ինստիտուցիոնալ հատվածներիՀայաստանի աշխատաշուկ...
Լուրեր | 2026/08/25 12:34
Իրավապահները խուզարկություններ են սկսել «Պռեգոմեշ» ընկերությունում
Իրավապահները ներխուժել են նաև Լևոն Քոչարյանի կնոջ՝ երգչուհի Սիրուշոյին պատկանող «Պռեգոմեշ» ընկերություն։Փաստաբան Ալեքսանդր Կոչուբաևը հայտնեց, որ այս պահին գնում է «Պռեգոմեշ» ընկերություն՝ ընկերության շահերը պաշտպանելու։Նրա գործընկերը՝ Էրիկ Ալեքսանյանը կշարունակի մնալ պատգամավոր Լևոն Քոչարյանի տանը, որտեղ դեռ խուզարկությունը շարունակվում է։Ավելի վաղ հայտնել էինք, որ այսօր առավոտյան 07:00-ի սահմաննե...