ՀՀ էկոնոմիկայի նախարար Գևորգ Պապոյանը սեպտեմբերի 21-ին Երևանում ընդունել է ՄԱԿ-ի Զբոսաշրջության համաշխարհային կազմակերպության գլխավոր քարտուղար Շեյխա Նասեր Ալ-Նուեյսին։ Հանդիպումը կայացել է Բժշկական զբոսաշրջության միջազգային համաժողովի շրջանակում։
Մասնակիցները. Հանդիպմանը մասնակցել են ՀՀ առողջապահության նախարար Անահիտ Ավանեսյանը, Զբոսաշրջության կոմիտեի նորանշանակ նախագահ Անուշիկ Ավետյանը, Իսպանիայում ՀՀ դեսպան և ՄԱԿ-ի ԶԲԿ-ում ՀՀ մշտական ներկայացուցիչ Սոս Ավետիսյանը, ինչպես նաև Հայաստանում ՄԱԿ-ի մշտական համակարգող Ֆրանսուազ Ժակոբը։
100 կրթաթոշակ. Շեյխա Նասեր Ալ-Նուեյսը տեղեկացրել է, որ Հայաստանին կառաջարկվի 100 կրթաթոշակ՝ ՄԱԿ-ի ԶԲԿ առցանց ակադեմիայի դասընթացներին մասնակցելու և ոլորտի մասնագետների որակավորումը բարձրացնելու համար։
Ինչու է դա կարևոր Քննարկումների առանցքում են եղել Հայաստանը որպես բժշկական զբոսաշրջության գրավիչ ուղղություն դիրքավորելը, միջազգային շուկաներում երկրի զբոսաշրջային ներուժի ներկայացումը, տվյալների վերլուծության կատարելագործումն ու կազմակերպության կողմից տեխնիկական աջակցության տրամադրումը։
