Ներմուծվող դեղերը կթանկանան. Թրամփը խոստանում է մինչև 200% մաքսատուրք ԱՄՆ նախագահ Դոնալդ Թրամփը հայտնել է, որ նախատեսում է սահմանել մինչև 200%-անոց մաքսատուրք դեղագործական ապրանքների, և 50%-անոց մաքսատուրք՝ պղնձի վրա հիմնված արտադրանքի ներմուծման համար։ Թրամփի խոսքով՝ դեղագործական ընկերություններին կտրվի մոտ մեկուկես տարի, որպեսզի նախապատրաստվեն նոր մաքսատուրքերով պայմանավորված փոփոխություններին։ Առևտրի նախարար Հովարդ Լաթնիկը հայտնել է, որ պղնձի մաքսատուրքերն ուժի մեջ կմտնեն հուլիսի վերջին կամ ամենաուշը՝ օգոստոսի 1-ին։