Չինական ավտոարդյունաբերության խոշոր ընկերությունները՝ BYD-ն և Chery-ն, արագորեն ամրապնդում են իրենց դիրքերը համաշխարհային շուկայում՝ լուրջ մարտահրավեր նետելով աշխարհի առաջատար բրենդներին։ Reuters-ի տվյալներով՝ Chery-ն ընդամենը վեց շաբաթում կատարել է Omoda 5 մոդելի տեխնիկական փոփոխություններ՝ այն հարմարեցնելով Եվրոպայի ոլորապտույտ և անհարթ ճանապարհներին, այն դեպքում երբ նման փոփոխությունները եվրոպական ավտոարտադրողների համար կպահանջեին ավելի քան մեկ տարի։

Փորձագետները նշում են, որ Չինաստանի ավտոարտադրողները կարողացել են մեքենաների նախագծման և արտադրության ժամկետները կրճատել մինչև 18 ամիս՝ մի ցուցանիշ, որը զգալիորեն գերազանցում է համաշխարհային մրցակիցներին։ Սա նրանց թույլ է տալիս շուկայում մշտապես առաջարկել թարմ մոդելներ և առավել մրցունակ գներ։

Աղբյուրը՝ Reuters