Հայաստանի կոնյակն առեւտրային պատերազմում. ի՞նչ է իրականում կատարվում Վրաստանի սահմանին Հայաստանի կոնյակի արտահանման ոլորտը հայտնվել է ծանր ճգնաժամի մեջ. վերջին երկու շաբաթներին Վրաստանի տարածքով Ռուսաստան արտահանվող հայկական կոնյակով բեռնված ֆուռերը Թբիլիսիում ենթարկվում են մանրակրկիտ ստուգումների և լաբորատոր փորձաքննությունների, ինչի պատճառով բեռնատարները շաբաթներով կանգնած են մնում ավտոկայաններում՝ կուտակելով մեծ նյութական վնասներ։  Ըստ կոնյակագործների՝ սպասման օրերի ընթացքում նրանք վճարում են մեծ գումարներ վարորդների պարապուրդի և կայանման համար, իսկ էկոնոմիկայի նախարարությունը դեռևս բանակցում է վրացական իշխանությունների հետ՝ հարցի լուծման ուղիներ գտնելու համար։  Շրջանառվում են վարկածներ, թե վրացական կողմի խստացված վերահսկողությունը պայմանավորված է քաղաքական և տնտեսական ճնշումներով, ներառյալ՝ հայկական կոնյակագործների վրա վրացական սպիրտի գնման պարտադրանքը։  Միևնույն ժամանակ, Վրաստանի իշխանությունները պնդում են, որ գործում են ստանդարտ մաքսային ընթացակարգերով։ Մինչ խնդրի հանգուցալուծումը ձգձգվում է, կոնյակագործներն արդեն սկսել են բողոքի ակցիաներ, իսկ որոշ գործարաններ ստիպված են եղել դադարեցնել աշխատանքը։ Առջևում խաղողի մթերման սեզոնն է, և իրավիճակի վատթարացումը սպառնում է ոլորտի ամբողջական կաթվածավորմամբ։ Մանրամասները կարդացեք Հրապարակ օրաթերթում՝ Հոդվածի հղումը   Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: