Անցնող շաբաթվա այլ կարևոր իրադարձությունները ֆինանսական շուկաների համար Եվրագոտու երկրներում գնաճի տեմպը նոյեմբերին տարեկան կտրվածքով արագացել է՝ կազմելով 2.3%, ինչը կասկածի տակ է դնում դեկտեմբերին Եվրոպական կենտրոնական բանկի կողմից տոկոսադրույքների կրճատումը։ ԱՄՆ տնտեսությունը տարվա երրորդ եռամսյակում կայուն աճ է գրանցել սպառողական ծախսերի աճի ֆոնին։ ՀՆԱ-ի աճը ոչ ճշգրտված տվյալներով կազմել է 2.8%։ Սպառողական ծախսերը, որը կազմում է տնտեսական ակտիվության երկու երրորդը, գրանցել է 3.5% աճ։ ՌԴ-ում գնաճը տարեկան կտրվածքով նոյեմբերի 25-ի դրությամբ կազմել է 8.78%: Էկոնոմիկայի զարգացման նախարարության տվյալներով գները նոյեմբերի սկզբից աճել են 1.15%-ով, իսկ տարեսկզբից՝ 7.8%-ով։ S&P 500 և Dow Jones ֆոնդային ինդեքսները հասել են ռեկորդային բարձր մակարդակի՝ տեխնոլոգիական ոլորտի բաժնետոմսերի աճի արդյունքում (օրինակ՝ Nvidia-ն աճել է 2%-ով, Tesla-ն՝ 3.7%-ով): S&P 500-ը գրանցել է 0.56% աճ, Dow Jones-ը՝ 0.42% աճ։  ՌԴ-ում գործազրկության մակարդակը հոկտեմբերին հասել է ռեկորդային ցածր մակարդակի՝ կազմելով 2.3%: Մինչ այդ գործազրկության մակարդակը չորս ամիս շարունակ 2.4% էր կազմում։ Cube Invest