Անցնող շաբաթվա այլ կարևոր իրադարձությունները ֆինանսական շուկաների համար

ԱՄՆ-ում փետրվարին անձնական սպառողական ծախսերի (PCE) գների ինդեքսը նախորդ ամսվա համեմատ աճել է 0.3%-ով, տարեկան կտրվածքով՝ 2.5%-ով։ Սպառողների մեկ տարվա գնաճի սպասումները մարտին հասել են 2022թ. նոյեմբերից ի վեր ամենաբարձր մակարդակին՝ 5%-ի։ ԱՄՆ-ում գործազրկության նպաստի առաջնային դիմումների թիվը մարտի 22-ին ավարտվող շաբաթվա ընթացքում նվազել է 1,000-ով և կազմել 224,000, չնայած գործազրկության մակարդակը հավանաբար անփոփոխ է մնացել մարտին։ Եվրագոտու երկրներում արդյունաբերական և ծառայությունների ոլորտի PMI ինդեքսը մարտին բարձրացել է մինչև 50.4՝ գրանցելով վերջին 7 ամիսների առավելագույն ցուցանիշը։ ԱՄՆ-ում Թրամփի կողմից ավտոմեքենաների ներմուծման վրա սահմանված 25% մաքսատուրքերի մասին հայտարարությունից հետո ֆոնդային ինդեքսներն ընկել են, իսկ ոսկու գինը հասել է ռեկորդային բարձր մակարդակի։ Dow Jones-ն ընկել է 0.37%-ով, S&P 500-ը՝ 0.33%-ով, Nasdaq-ը՝ 0.53%-ով։ Ոսկու գինը սփոթ շուկայում աճել է 1.26%-ով՝ հասնելով 1 ունցիայի դիմաց 3057.35 դոլարի։ Եվրագոտու երկրներում սպառողների վստահության ինդեսքը մարտին նախորդ ամսվա համեմատ նվազել է 0.9 կետով՝ հասնելով -14.5-ի։ finarm.am   Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: