Ուսումնական նոր ձեռնարկ կրթության ոլորտի համար. «Գիտության կազմակերպում և կառավարում» Հանրությանն է ներկայացվել «Գիտության կազմակերպում և կառավարում» ուսումնական ձեռնարկը: Ուսումնական ձեռնարկի հեղինակներն են՝ տնտեսագիտության դոկտոր, պրոֆեսոր՝ Արմեն Ճուղուրյանը և ֆիզիկամաթեմատիկական գիտությունների թեկնածու, դոցենտ, ԳԱԱ գիտակրթական միջազգային կենտրոնի դեկան՝ Ատոմ Մխիթարյանը: Ձեռնարկը հրատարակության է երաշխավորված ՀՀ ԳԱԱ գիտակրթական միջազգային կենտրոնի գիտական խորհրդի կողմից։ Ուսումնական ձեռնարկն անդրադառնում է գիտության կազմակերպման և արդյունավետ կառավարման հիմնական խնդիրներին և դրանց լուծման ռազմավարական ուղիներին։ Այն նախատեսված է կրթության ոլորտի կառավարիչների, ուսանողների, համալսարանների պրոֆեսորադասախոսական անձնակազմի և գիտահետազոտական աշխատանքների կառավարիչների համար։ Գրքում ընդգրկված արդիական թեմաներից են՝ Գիտության զարգացման և կառավարման հիմնադրույթները, Գիտահետազոտական էկոհամակարգի կազմակերպումը, «Կանաչ գիտության» զարգացման սկզբունքները, Արհեստական բանականության դերը գիտելիքաստեղծ գործընթացներում, Գիտության ֆինանսավորման, որակի ապահովման և օրենսդրական կարգավորումների հիմնախնդիրները, ՀՀ-ում գիտության ոլորտի զարգացման ռազմավարական մոդելի ընտրության հրամայականը։ https://youtu.be/XaNXrIEsgdQ   Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: