Սև ուրբաթն ու դրանից հետոն․ Վերջին սև ուրբաթի ընթացքում Հայաստանում կատարվել է 9 միլիարդ դրամից ավելի առևտուր

9 մլրդ դրամից ավելի գնում եվ տպագրված ավելի քան 1 մլն 685 հազար ՀԴՄ կտրոն միայն մեկ օրում: Սրանք Հայաստանում Սև ուրբաթի ընթացքում կատարված գնումների ցուցանիշն է: Նոյեմբերի 25-ին հայտարարված Սև ուրբաթի զեղչերը պահպանվել են նաև հանգստյան օրերին: Քաղաքացիների կատարած առևտուրը, ՊԵԿ տվյալով, մոտ կես միլիարդ դրամով գերազանցել է ռեկորդային համարվող 2019-ի ցուցանիշը՝ 8 մլրդ 603 մլն դրամ: Առևտրի կենտրոններում եղել է հաճախորդների մեծ հոսք, ակտիվ գնումներ են արել նաև օտարերկրյա քաղաքացիներ: