Fitch միջազգային վարկանիշային գործակալությունը իջեցրել է Թուրքիայի արտարժույթով թողարկողի դեֆոլտի երկարաժամկետ վարկանիշը ՙB+՚-ից մինչեւ ՙB՚՝ բացասական կանխատեսմամբ: Վարկանիշի իջեցման վրա ազդած հիմնական գործոններից մեկը գործակալության վերլուծաբանները նշում են գնաճի ավելացումը:
Ըստ նրանց կանխատեսման՝ 2022 թվականին Թուրքիայում գնաճի մակարդակը կկազմի 71,4%, ինչն ամենաբարձր ցուցանիշն է բոլոր այն երկրների շրջանում, որոնց Fitch-ը վարկանիշ է շնորհում:2023 թվականին նույնպես գործակալությունը գնաճի բարձր մակարդակ է ակնկալում երկրում՝ 57%: Դա պայմանավորված է նրանով, որ Թուրքիայի Կենտրոնական բանկի դրամավարկային քաղաքականությունը կմնա ՙչափազանց մեղմ՚ առնվազն մինչեւ 2023 թվականի ընտրությունը:
Գործակալության վերլուծաբանների գնահատմամբ՝ 2022 թվականի ավարտին Թուրքիայի միջազգային պահուստները կնվազեն մինչեւ $94 միլիարդ, իսկ 2023 թվականին կկազմեն $88 միլիարդ:
