ՎՏԲ-ի ղեկավար Անդրեյ Կոստինը մատնանշել է տեղեկատվության փոխանցման և SWIFT վճարումներ կատարելու արտաքին համակարգից ամբողջական հեռանալու անհրաժեշտությունը, ինչպես նաև ազգային արժույթներով հաշվարկներին անցնելու կարևորությունը։
«Մեզ պետք է SWIFT-ը շրջանցող հաշվարկային համակարգ: Մենք դեռ, նույնիսկ ԵԱՏՄ-ի շրջանակներում, օգտագործում ենք SWIFT համակարգը ռուբլով հաշվարկների համար: Մենք պետք է հեռանանք դրանից: Մենք ունենք ֆինանսական հաղորդագրությունների փոխանցման համակարգ, նմանատիպ համակարգեր կան շատ երկրներում: Չինաստան, Ղազախստան և այլն: Մենք պետք է օգտագործենք այդ գործիքները, ստեղծենք հաշվարկային համակարգ, որը հիմնված է ազգային արժույթների և տեղեկատվության փոխանցման «ոչ-վիֆտ» համակարգերի վրա»,- ասել է Կոստինը «Ռուսաստանի բանկերը — XXI դար» միջազգային բանկային ֆորումում:
SWIFT-ը միջբանկային վճարումների փոխանցման միջազգային համակարգ է: Ի տարբերություն վճարային համակարգերի (Visa կամ MasterCard), այն տեղափոխում է միայն փոխանցման հաղորդագրություններ և օգտագործվում է միջբանկային մակարդակում:
Մեկնաբանություն