2024-ը և 2025-ը կարևոր փոփոխությունների շրջան են ինչպես Հայաստանում, այնպես էլ աշխարհում։ Պետական բյուջեի վերանայումները, ներմուծման աճը, աշխատավարձերի փոփոխությունները և միջազգային ծրագրերը ձևավորում են տնտեսական և սոցիալական նոր պայմաններ։
Ստորև ներկայացված են դրանց հիմնական մանրամասները։
2025 թվականի պետական բյուջեի նախագծում փոփոխություններ են կատարվել, որոնք ներկայացրել է ֆինանսների նախարարը Ազգային ժողովում: Ըստ վերանայված ցուցանիշների՝ ՀՆԱ-ն կանխատեսվում է 10 տրիլիոն 891 միլիարդ դրամ, իսկ տնտեսական աճը՝ 5.1%: Պետական բյուջեի եկամուտները կկազմեն 2 տրիլիոն 837 միլիարդ դրամ, ծախսերը՝ 3 տրիլիոն 441 միլիարդ դրամ, որից 2 տրիլիոն 706 միլիարդը՝ ընթացիկ, իսկ 734 միլիարդը՝ կապիտալ ծախսեր: Նախորդ նախագծի համեմատ ծախսերը նվազել են 40.8 միլիարդ դրամով:
2024 թվականին Հայաստան է ներմուծվել 9,248 էլեկտրական
շարժիչով ավտոմեքենա: Ընդհանուր առմամբ, այս տարվա հունվարի 1-ից մինչև նոյեմբերի 26-ը ներմուծվել է 29,763 մարդատար ավտոմեքենա: Էլեկտրական մեքենաների թվի աճին մեծապես նպաստել են ԵԱՏՄ-ից դրանց ներմուծման անմաքս քվոտաները: Տեղեկությունը հայտնել է ՊԵԿ-ը՝ ի պատասխան Sputnik Արմենիայի հարցմանը:
2024 թվականի հունվար-հոկտեմբերին Հայաստանում միջին ամսական անվանական աշխատավարձը կազմել է 279,857 դրամ: Պետական հատվածում այդ ցուցանիշը կազմել է 217,449 դրամ, իսկ ոչ պետական հատվածում՝ 304,702 դրամ:
Կարմիր խաչի միջազգային կոմիտեն նոյեմբերին Տավուշի մարզի Կիրանց գյուղի 96 տնային տնտեսությունների տրամադրել է 130,000 դրամ գումար՝ յուրաքանչյուրին: Աջակցությունը միանվագ էր և նախատեսված ձմեռվա ընթացքում ջեռուցման և տրանսպորտի ծախսերի համար:
Եվրասիական տնտեսական հանձնաժողովի որոշմամբ Հայաստանին թույլատրվել է 9,000 տոննա անմաքս միս ներմուծել՝ ԵԱՏՄ ներքին շուկայի հումքի դեֆիցիտը լրացնելու նպատակով: Սա կնպաստի մսամթերքի և երշիկեղենի արտադրության ինքնարժեքի նվազեցմանը և գների կայունացմանը:
Meta ընկերությունը նախատեսում է 2025 թվականին կառուցել 24,000 մղոն երկարությամբ ստորջրյա օպտիկամանրաթելային մալուխային ցանց՝ համաշխարհային ինտերնետային ենթակառուցվածքը զարգացնելու համար: Նախագծի արժեքը կկազմի 10 միլիարդ դոլար, և այն կլինի Meta-ի սեփականությունը:
2024 թվականի «Սև ուրբաթին» գնորդները ծախսել են ռեկորդային 10.8 միլիարդ դոլար՝ հիմնականում առցանց գնումների վրա: Գնորդների միայն 28%-ն է գնումներ կատարել խանութներից, իսկ 72%-ը՝ առցանց: Բջջային սարքերով կատարվել է գնումների 69%-ը:
Վրաստանում պարենային ապրանքների գների տարեկան աճը կազմել է 3.1%՝ զգալի ազդեցություն ունենալով ընդհանուր գնաճի վրա: Միաժամանակ նվազել են էլեկտրաէներգիայի, գազի և վառելիքի գները՝ մեղմելով տնտեսական բեռը:
JavaScript seems to be disabled in your browser. You must have JavaScript enabled in your browser to utilize the functionality of this website.
