Համաշխարհային ինդեքսներ
Ամերիկյան ցուցիչները ուրբաթ օրը փակվել են կարմիր գոտում. Dow Jones Industrial Average-ը նվազել է 1.01%-ով՝ հասնելով 40,345.41 կետի: S&P 500-ի արժեքը կրճատվել է 1.89%-ով՝ հասնելով 5,399.20 կետի: S&P 500-ի ֆյուչերսը երկուշաբթի օրը վերականգնվել է 0.40%-ով: Ճապոնական Nikkei 225-ը վերականգնվել է 3.05%-ով՝ հասնելով 36,239 կետի, կորեական KOSPI-ն նվազել է 0.33%-ով՝ հասնելով 2,535.93 կետի, իսկ չինական Shanghai Composite-ը կորցրել է 1.12%-ով՝ հասնելով 2,734.52 կետի:
Մակրոէկոնոմիկա
1․ ԱՄՆ-ում գործազրկության նպաստի առաջին հայտերի քանակը շաբաթվա ընթացքում նվազել է 5 հազարով՝ հասնելով 227 հազարի: Օգոստոսին գործազրկության մակարդակը ԱՄՆ-ում նվազել է 10 բազիսային կետով՝ հասնելով 4.2%-ի:
2․ Եվրագոտու ՀՆԱ-ի աճը երկրորդ եռամսյակի արդյունքներով կազմել է 0.6% տարեկան հաշվարկով, ինչը համապատասխանում է կանխատեսումներին: Եռամսյակային հաշվարկով աճը կազմել է 0.2%, ինչը վատթար է կանխատեսումից:
3․ Չինաստանում օգոստոսին ինֆլյացիան արագացել է մինչև 0.6% տարեկան հաշվարկով:
Ապրանքային շուկաներ
Ոսկու գինը նվազել է և ներկայումս կազմում է $2,489.1 մեկ ունցիայի համար։ Նավթի գնանշումները ուրբաթ օրը նվազել են։ Brent նավթի գինը կազմում է $71.7 մեկ բարելի համար, իսկ WTI-ն՝ $68.3:
Կորպորատիվ իրադարձություններ/ միջոցառումներ
1․ Ըստ մամուլի հաղորդագրության, գերմանական BMW-ն և ճապոնական Toyota-ն միասին կզարգացնեն ջրածնային վառելիքային բջիջներով աշխատող էլեկտրական մեքենաներ: BMW-ն նախատեսում է 2028 թվականին թողարկել իր մոդելներից մեկի ջրածնային տարբերակները: Հզորաբլոկները երկուստեք կզարգացնեն: Սակայն BMW-ն ջրածնային մեքենաները չի դիտարկում որպես մարտկոցներով մեքենաների փոխարինում:
2․ Շվեդական Volvo Cars ավտոարտադրողը վատթարացրել է իր ֆինանսական կանխատեսումները 2026 թվականի համար, պայմանավորված բարդ շուկայական պայմաններով: Volvo-ն նշում է, որ ԱՄՆ-ի և ԵՄ-ի կողմից Չինաստանում արտադրվող ավտոմեքենաների վրա կիրառվող բարձր մաքսատուրքերը բացասաբար կազդեն իր արդյունքների վրա։
