«Թել-Սել» ընկերությունն ազդարարեց բաժնետոմսերի թողարկման մասին, ըստ որի այսուհետ հնարավոր կլինի ընկերության բաժնետեր դառնալ։ Բաժնետոմսեր կարելի է ձեռք բերել սեպտեմբերի 18-ից մինչև նոյեմբերի 30-ը:
Շուրջ 1,5 միլիարդ դրամ ընդհանուր արժեքով թողարկված բաժնետոմսերից յուրաքանչյուրի տեղաբաշխման արժեքը՝ 400 դրամ է։ Իսկ ահա առաջին գնման նվազագույն քանակը՝ 10 բաժնետոմսն է։
Բաժնետոմսերի տեղաբաշխումն էլ իրականացնում է «Արմբրոկ» ներդրումային ընկերությունը, այդպիսով՝ նպատասելով Հայաստանում ներդրումային շուկայի կայացմանը։
«Թել-Սել»-ի ֆինանսական տնօրեն Թամարա Սարգսյանի խոսքով՝ բաժնետոմսերի առանձնահատկություններից մեկն էլ այն է, որ «Telcell Wallet» հավելվածի օգտատերերը, բաժնետոմսեր կարող են գնել հավելվածում՝ պարզ և արագ։ Բաժնետոմսերը թողարկվելու են շուրջ չորս միլիոն թվաքանակով և հասանելի արժեքով։
Չնայած, որ բաժնետոմսերի գնման մշակույթը դեռևս մեր երկրում լայն տարածում չունի, սակայն «Թել-Սել»-ի գլխավոր տնօրենի տեղակալը կարծում է, որ յուրաքանչյուր քաղաքացի իրական հնարավորություն կունենա գնել և իր առաջին քայլերը կատարել ներդրումային շուկայում՝ հանրային նշանակության ընկերությունում բաժնետոմս գնելու միջոցով։
Մեկնաբանություն