Binance առաջատարի կորիպտոհարթակի ֆինանսական հանցագործությունների բաժնի ղեկավար Տիգրան Ղամբարյանը պատանդ է պահվում Նիգերիայում։ Այս կապակցությամբ Binance-ը հանդես է եկել հայտարարությամբ, ներկայացնում ենք այն թարգմանաբար։
Տիգրան Ղամբարյանը, որը հանդիսանում է ԱՄՆ քաղաքացի, աշխարհում հայտնի է որպես իրավապահներ գործունեությանը լիովին նվիրված մարդ։ Մեկ տասնամյակ նա ծառայել է որպես ԱՄՆ դաշնային գործակալ՝ հետաքննելով ազգային անվտանգության, ահաբեկչության ֆինանսավորման, ինքնության գողության, մանկական պոռնոգրաֆիայի տարածման, հարկերից խուսափելու և բանկային գաղտնիքի խախտումների հետ կապված գործեր: Որպես ԱՄՆ գանձապետական դեպարտամենտի IRS քրեական հետախուզությունների (IRS-CI) էլիտար կիբեր հետախուզական թիմի մաս՝ Տիգրանը ղեկավարել է մի քանի միլիարդ դոլար արժողությամբ հետաքննություններ, այդ թվում՝ Silk Road կոռուպցիոն հետաքննությունը, BTC-e bitcoin կրիպտոբորսայի գործը և Mt. Gox «կոտրումը»։
Նա նաև առանցքային դեր է խաղացել Alphabay-ի, Wall Street Marketplace-ի, Welcome2Video-ի և Twitter-ի բարձրակարգ «VIP» չարաշահումների դեմ պայքարում՝ աշխատելով Հետաքննությունների դաշնային բյուրոյի և Միացյալ Նահանգների գաղտնի ծառայության հետ միասին: Ավելի ուշ Տիգրանը ստանձնեց IRS-CI ներկայացուցչի դերը Ազգային Կիբեր Հետաքննող Միացյալ Թիմում (NCIJTF)՝ կենտրոնանալով ազգային անվտանգության և ահաբեկչության ֆինանսավորման վրա:
Տիգրանն այնքան հայտնի է որպես կիբերհանցագործությունների աշխարհի նշանավոր հետաքննիչ, որ գրվել է մի գիրք՝ «Tracer’s in the Dark»-ը, որը պատմում է պատմության ամենահայտնի կիբերհանցագործներին ոչնչացնելու նրա ջանքերի մասին:
Հաշվի առնելով այս նախապատմությունը՝ Տիգրանը 2021 թվականին աշխատանքի է ընդունվել՝ օգնելու Binance-ին շտկել համապատասխանության հետ կապված նախկինում ունեցած խնդիրները: Որպես Binance-ի Financial Crime Compliance (FCC) թիմի ղեկավար, նա եղել է Binance-ի կողմից ոլորտի նոր չափանիշներ սահմանող քաղաքականության մշակման և համապատասխանության կարողությունների զարգացման ուժեղ ջատագով։ 2022 և 2023 թվականներին Տիգրանի ֆինանսական հանցագործությունների համապատասխանության թիմն աջակցել է համաշխարհային իրավապահ մարմիններին սառեցնել և առգրավել ավելի քան 2.2 միլիարդ դոլարի ակտիվներ, այդ թվում՝ ավելի քան 285 միլիոն դոլար՝ համագործակցելով Միացյալ Նահանգների գործակալությունների հետ, ինչպիսիք են ՀԴԲ-ն, DOJ, DEA և այլն:
Վերջին մի քանի տարիների ընթացքում նա իր FCC թիմի հետ միասին պատասխանել է Նիգերիայի իրավապահ մարմիններից ստացված կամ Նիգերիայի հետ կապված հետաքննությունների հետ կապված ավելի քան 600 տեղեկատվության հարցումների:
Տրամադրված տեղեկատվությունը օգնել է հաղթահարել հանցագործությունները՝ սկսած խարդախությունից մինչև փողերի լվացում, շանտաժ, առևանգում և շորթում, ինչը հանգեցրեց բազմաթիվ ակտիվների սառեցման և առգրավման՝ ընդհանուր գումարը ավելի քան 400,000 ԱՄՆ դոլար:
Տիգրանի թիմը նաև բազմաթիվ դասընթացներ է անցկացրել նիգերիացի իրավապահների համար՝ թվային ակտիվների էկոհամակարգում բորսաների դերի վերաբերյալ: Սա ներառում է 2023 թվականի կեսերին երեք ժամ տևողությամբ առցանց սեմինար նիգերիացի EFCC-ի 70 պաշտոնյաների համար և նույն տարվա վերջին երկու դասընթաց EFCC-ի պաշտոնյաների համար Աբուջայում և Լագոսում, որոնցից յուրաքանչյուրին մասնակցում էին ավելի քան 30 քննիչներ:
Տիգրանը իրավապահ մարմինների ներկայացուցիչ է և չի մտնում Binance-ի կառավարման թիմի մեջ: Թեև նա լքել է ԱՄՆ կառավարության պաշտոնական ծառայությունը, նա լիովին հավատարիմ է մնացել իրավապահ մարմինների աշխատակցի դերին՝ աշխատելով որպես լավ կառավարման և թափանցիկ կարգավորող ֆինանսական պրակտիկայի համաշխարհային ջատագով:
Binance-ը հարգանքով խնդրում է, որ ընկերությունում որոշումներ կայացնելու իրավունք չունեցող Տիգրան Ղամբարյանը պատասխանատվություն չկրի, քանի դեռ ընթացիկ քննարկումները շարունակվում են Binance-ի և Նիգերիայի կառավարության պաշտոնյաների միջև:
