Գերմանական սոցիալական ասոցիացիայի (SoVD) ղեկավար Ադոլֆ Բաուերը նախազգուշացրել է հնարավոր ճակատագրական հետևանքների մասին, որոնք երկրին սպասվում են ռուսական նավթից ու գազից կտրուկ հրաժարվելու դեպքում։ Այդ մասին գրում է Neue Osnabrücker Zeitung թերթը։
Փորձագետի կարծիքով, Գերմանիան կկարողանա հրաժարվել Ռուսաստանից էներգակիրների մատակարարումից միայն այն դեպքում, եթե կարողանա բացառել իր կողմից ընդհատումների ցանկացած հնարավորություն։
«Ոչ միայն էներգակիրների գներն են կտրուկ աճում , այլև վարձավճարներն ու սննդամթերքի գները: Եթե այսպես շարունակվի, ավելի աղքատ բնակչությունը, ում համար բարեկեցության կորստի մասին խոսք լինել չի կարող, քանի որ նրանք հազիվ են ծայրը ծայրին հասցնում, անսահման կտուժեն», — ավելացրել է Բաուերը:
Ավելի վաղ Եվրամիությունը հայտարարել էր ռուսական նավթի մատակարարման սահմանափակումներ մտցնելու ցանկության մասին։ Ավստրիան, Գերմանիան և Հունգարիան բազմիցս դեմ են արտահայտվել ռուսական գազի և նավթի ամբողջական հրաժարմանը, մինչդեռ Լեհաստանն ու Ֆրանսիան ՝ աջակցում են։
