Դեկտեմբերի 10-ից 16-ը կիբերսպորտի սիրահարների ուշադրությունը ուղղված էր «FC24 Samsung OLED» առաջնություն, որն առաջին անգամ անցկացվում էր Samsung ընկերության հետ համագործակցությամբ Կիբեր արենայում։
Ընդհանուր մասնակիցների թիվը 200+ էր, իսկ մրցաշարը անցկացվում էր երեք փուլով՝ գեյմերները պայքարում էին լավագույնի կոչմանն արժանանալու համար։
Եզրափակչում կրքերն էլ ավելի թեժ էին, քանի որ գլխավոր մրցանակակիրը ստանալու էր Samsung OLED հեռուստացույց։
Մեզ հետ զրույցում Կիբեր արենայի մենեջեր Դավիթ Արզումանյանը նշեց, որ լիահույս է, որ նմանատիպ նախաձեռնությունները կնպաստեն կիբերսպորտի զարգացմանը Հայաստանում: Նա նաև փաստեց, որ կիբերսպորտի հանդեպ գնալով մեծանում է հետաքրքրասիրությունը և Samsung-ի հետ համագործակցությունը նոր դռներ կբացի հետագա մրցաշարեր կազմակերպելու համար։
Թեև պայքարը թեժ էր, սակայն մասնակիցները հասցրին կիսվել մեզ հետ իրենց առաջին տպավորությամբ Samsung OLED տեխնոլոգիաների մասին, մասնավորապես, որ հեռուստացույցն աչքի է ընկնում հատկապես գույնի գերազանց վերարտադրմամբ, Dolby Atmos ձայնի շնորհիվ պրոֆեսիոնալ ձայնային էֆեկտներով՝ բնորոշ կինոթատրոններին և խաղի մեջ ամբողջությամբ ընկղմվելու հնարավորությամբ:
Samsung OLED խաղային տեխնոլոգիան ակնթարթորեն արձագանքում է ցանկացած հպման։ Բացի այդ, ունի բարձրակարգ սահունություն՝ առանց ուշացումների կամ ընդմիջումների, ինչը հնարավորություն է տալիս արագ արձագանքել խաղադաշտում տեղի ունեցող իրադարձություններին, խաղային վահանակ, որով կարելի է փոխել կարգավորումները մի քանի հպումով, ինչպես նաեւ HDMI 2.1-ով աշխատող ցանկացած 4 մուտքերից մի քանի խաղային կոնսուլներ միացնելու հնարավորություն։
10+ ժամ անպարտելի խաղից հետո մրցաշարի հաղթող ճանաչվեց Պետրոս Աֆաջանյանը, ով արժանացավ գլխավոր մրցանակի՝ Samsung OLED S90C հեռուստացույցի։
«Թեև ունեի շատ հզոր հակառակորդներ, ինձ հաջողվեց հաղթել՝ ինձ հետ տանելով հեռուստացույցը, որով և խաղն էր ավելի իրական, և գունային էֆեկտներն էին տպավորիչ: Շնորհակալ եմ կազմակերպիչներին և մասնակիցներին»։-իր խոսքում նշեց Պետրոս Աֆաջյանը։
Ի հավելում՝ Samsung OLED հեռուստացույցների մոդելային շարքը վաճառվում է ընկերության պաշտոնական գործընկերների խանութ սրահներում։
