Լույս է տեսել քաղաքագետ Կարեն Բեքարյանի հեղինակած «Խոշորացույց» աշխատությունը: Գրքում ներկայացված են փորձագետ Հերմինե Մխիթարյանի և Կարեն Բեքարյանի զրույցները արտաքին քաղաքականության, կնճռոտ թեմաների, հարցերի վերաբերյալ։ Փորձագետն ու քաղաքագետը զրուցել են Հայաստանի 3-րդ հանրապետության արտաքին քաղաքականության ողջ ընթացքի, Հայաստան-Արցախ և Հայաստան- հարևաններ հարաբերությունների մասին ու հասել մինչև 2023 թվականի հունվար:
Գրքի 5 գլուխներից յուրաքանաչյուրն ունի ներածություն, զրույցի հատված և ամփոփվում է Կարեն Բեքարյանի ներկայացրած տեսլականով` հայեցակարգ, նպատակ ու անելիքներ:
Ի դեպ, այս գիրքը «Հայացք» մատենաշարի չորրորդ աշխատությունն է արդեն: Փորձագետ Հերմինե Մխիթարյանը զրույցների համար հատուկ շնորհակալություն է հայտնում Կարեն Բեքարյանին, իսկ գրքի տպագրության գործում աջակցելու համար շնորհակալ է “Վերածնվող Հայաստան” կուսակցությանն ու նաև «Պրոֆիլ մեդիա» հրատարակչությանը:
Մեկնաբանություն