Սթեյբլքոինների շուկայական առաջարկը նվազում է 2022թ. վերջից: Ըստ DeFiLlama-ի՝ այն հասել է վերջին 2 տարվա իր նվազագույն արժեքին` 123,8 մլրդ դոլար:
Վերջին անգամ կայուն թվային արժույթների կապիտալիզացիան այս մակարդակում եղել է 2021թ. սեպտեմբերին։
Սթեյբլքոիններում ներդրումների ցածր ծավալը վկայում է ներդրողների ցանկության բացակայության մասին՝ մուտք գործելու թվային արժույթներ, ինչպիսիք են Bitcoin-ը (BTC) և Ethereum-ը (ETH),- գրում է b24.am-ը:
Binance Research-ի վերլուծաբանները նշում են, որ միայն երկու սթեյբլքոիններ՝ Tether-ը (USDT) և Dai-ն, վերջին ամիսներին չափավոր աճ են ցույց տվել:
Ավելին, USDT-ի կապիտալիզացիան նախորդ ամառ սահմանեց նոր ռեկորդ՝ մոտենալով 84 մլրդ դոլարին։
Tether-ի գերակայությունը դոլարով ապահովված թվային արժույթի շուկայում կազմում է 67,2%: Ամսվա ընթացքում նրա առաջարկն աճել է 334,7 մլն դոլարով՝ մինչև 83,5 մլրդ դոլար։
Անցյալ շաբաթ USDT-ի բորսայական մնացորդները 17,6%-ից հասել են թվային արժույթի ընդհանուր առաջարկի 24,7%-ին՝ ըստ Santiment-ի:
Dai-ի կապիտալիզացիան 1 ամսվա ընթացքում աճել է 5,4%-ով կամ 283,4 մլն դոլարով՝ մինչև 5,347 մլրդ դոլար:
Երկրորդ խոշորագույն ֆիատով ապահովված թոքենի՝ USDC-ի մատակարարումը, ընդհակառակը, նվազել է մինչև 25,532 մլրդ դոլար:
