Գարնանը Եվրոպայում գազի գինը գրեթե կրկնակի նվազել է

Գարնանը Եվրոպայում գազի գինը գրեթե կրկնակի նվազել է՝ հասնելով 1000 խմ-ի դիմաց մոտ 282 դոլարի։ Այս անկման հիմնական գործոնները եղել են տաք եղանակը, գազի պահեստների բարձր լցվածությունը և ԵՄ-ում գազի պահանջարկի նվազումը,- գրում է b24.am-ը։

Եթե ​​փետրվարի 28-ին գազի ֆյուչերսները 1000 խմ-ի դիմաց վաճառվում էին մոտ 515 դոլարով, ապա մայիսի 31-ին առևտուրը փակվել է 282 դոլարով՝ գարնան սկզբի համեմատ 45%-ով ցածր: Ամենամեծ անկումը գրանցվել է մայիսի 30-ին, երբ գազի գինը ավելի քան երկու տարվա ընթացքում առաջին անգամ իջավ 260 դոլարից։

Եվրոպայում գազի միջին գինը մարտին կազմել է մոտ 488 դոլար՝ 1000 խմ-ի դիմաց, ապրիլին՝ 477 դոլար, իսկ մայիսին՝ արդեն մոտ 360 դոլար։