Հարմարավետություն, պարզություն ու խնայողություն: Հենց այս նկատառումներով է առաքումներում մասնագիտացող buy.am-ն անցում կատարել անկանխիկ վճարումների ընդունման նոր հնարավորությանը՝ C-POS-ին:
Այդ ընկերության կոմերցիոն բաժնի ղեկավար Աբել Հարությունյանն ասում է. «C-POS-ի ակտիվացմամբ տնտեսվարողները ստանում են անկանխիկ վճարումների ընդունման նոր հնարավորություն, որով գործարքներն անվտանգ են և վերահսկելի: Ֆունկցիոնալ տեսանկյունից այն համապատասխանում է բոլոր պահանջներին»:
Կոնվերս Բանկի ավտոմատ սպասարկման ենթակառուցվածքների բաժնի ղեկավար Զոհրաբ Թորգոմյանի խոսքով, C-POS-ը սովորական ՊՈՍ տերմինալի այլընտրանքն է, որի միջոցով հնարավոր է ընդունել անկանխիկ վճարումներ, հետ վերդարձնել ստացված վճարումը, դիտել գործարքների պատմությունը, ուղարկել անդորագիրը հաճախորդի էլեկտրոնային փոստին։
«Անդրոիդ օպերացիոն համակարգով աշխատող սմարթֆոնում ներբեռնելով և ատիվացնելով հավելվածը՝ օգտատերը ստանում է լիարժեք ՊՈՍ տերմինալ՝ բջջային հեռախոսում: Թեթևության և կիրառման պարզության շնորհիվ դրա հարմարավետությունը կգնահատեն ոչ միայն տնտեսավարողները, այլև հենց առաքիչները»,-ասում է նա:
Բանկում կարևորում են նաև C-POS-ով գործարքների անվտանգությունը. դրանց ապահովությունը երաշխավորված է անվտանգության միջազգային ամենաբարձր չափորոշիչներով:
Մեկնաբանություն