2015-2023 թթ.-ին եկամտահարկի վերադարձի ծրագրից օգտվել է 31 հազար 955 քաղաքացի: Մայրաքաղաքում աստիճանաբար վերանում է եկամտահարկի վերադարձով հիպոտեկային վարկեր ստանալու հնարավորությունը: Այս ծրագիրը գործարկվել է 2015թ-ին. փորձ արվեց ակտիվացնել շինարարությունը և հնարավորություն տալ տանիք չունեցող ընտանիքներին բնակարան գնել` պետական աջակցությամբ:
Անցյած տարվա հուլիսից կենտրոնում բնակարն գնել ու հիփոթեքի տոկոսների մարումը եկամտահարկով իրականացնել այլևս հնարավոր չէ, այս տարվանից էլ աջակցություն չեն ստանա Արաբկիրում բնակարան ձեռքբերողները, բայց կա մի բացառություն. եթե կառուցապատողը շինթույլտվությունը ձեռք է բերել մինչև այս սահմանափակումը, ծրագիրը կշարունակվի, քանի դեռ շինարարը ունի վաճառքի ենթակա բնակարաններ: 8 տարում պետությունն այս ծրագրի վրա ծախսել է 89 մլրդ դրամից ավելի, իսկ այժմ, Երևանից դուրս կյանքն ակտիվացնելու համար, արտոնությունը տեղափոխում է մարզեր:
