Հունգարիայի կառավարությունը որոշել է մինչև 2023 թվականի ապրիլի 30-ը երկարաձգել հիմնական պարենային ապրանքների գների սառեցման միջոցառումները ՝ աղքատներին աջակցելու համար։ Այս մասին հայտարարել է հանրապետության գյուղատնտեսության զարգացման նախարար Իշտվան Նագին, գրում է ՏԱՍՍ գործակալությունը։
«Ուկրաինայում ձգձգվող պատերազմի և Բրյուսելի անհաջող միջոցառումների հետևանքով առաջացած պատժամիջոցների գնաճի պատճառով կառավարությունը երկարաձգել է պարենային ապրանքների գների սառեցումը մինչև հաջորդ տարվա ապրիլի վերջ», — ասել է երկրի գյուղատնտեսության նախարարության ղեկավարը։
Ինչպես նշել է Նագին, էներգակիրների գները և, որպես հետևանք, պարենային ապրանքների գները Եվրոպայում հասել են պատմական բարձր ցուցանիշների՝ Մոսկվայի նկատմամբ Բրյուսելի սխալ գործողությունների պատճառով։ Իրավիճակը, ըստ նրա, սրվել է ռուսական նավթի գնի սահմանաչափի ներդրմամբ։ Նոյեմբերի առաջին կեսին Հունգարիայի կառավարության պաշտոնական ներկայացուցիչ Զոլթան Կովաչը հայտարարեց, որ հանրապետությունում ձվի և կարտոֆիլի գների սահմանափակումներ են մտցվելու աճող գնաճի պատճառով, որը սեպտեմբերին գերազանցել է 20%-ը և կազմել 20,1% ` տարեկան կտրվածքով։
