Իտալիայի Նախարարների խորհուրդը հաստատել է ռազմավարական ձեռնարկությունների պաշտպանության միջոցառումների մասին հրամանագիրը։ Դրանց թվում է Սիցիլիա կղզում գտնվող ISAB-ի նավթավերամշակման գործարանը, որը պատկանում է Lukoil-ին,- գրում է La Repubblica-ն։
Ծրագրի համաձայն ՝ ձեռնարկությունը կանցնի պետության ժամանակավոր հատուկ կառավարման ներքո։ Իշխանությունները երաշխավորել են գործարանի շարունակականությունը, որտեղ աշխատում է մոտ 10000 մարդ։ Այն Եվրոպայում երրորդ խոշորագույն նավթավերամշակման գործարանն է և արտադրում է Իտալիայում սպառվող վառելիքի մոտ 22 տոկոսը:
Դեկտեմբերի 1-ին հաղորդվել էր, որ Lukoil-ը ցանկանում է ISAB-ը վաճառել ամերիկյան Crossbridge Energy Partners ներդրումային ընկերությանը։ Գործարքի շրջանակներում նավթավերամշակման գործարանի արժեքը գնահատվել է 1-1,5 մլրդ եվրո։
Սիցիլիայում գտնվող Lukoil գործարանը վերամշակում է ռուսական Urals նավթը, սակայն դեկտեմբերի 5-ից ԵՄ-ն պետք է դադարեցնի այդ վառելիքի ներկրումը Ռուսաստանից։ Իտալիայի իշխանությունները ձեռնարկության ազգայնացումը դիտարկել են աշխատատեղերի և վերամշակման կարողությունների կորստից խուսափելու համար։
Մեկնաբանություն