Ռուսաստանցիների վերջին շրջանի` տարբեր երկրներ ներհոսքից ամենաշատը Հայաստանն է շահել: Այդ պետությունների տնտեսությանը նվիրված Renaissance Capital ներդրումային ընկերության զեկույցին անդրադարձել է Ֆորբս ամսագրի ռուսական հանդեսն: Ընկերության վերլուծաբանները Հայաստանի ՀՆԱ աճն այս տարի կանխատեսում են մինչև 14 տոկոս՝ տարեսկզբի 5-ի փոխարեն: Նշվում է, որ ռուսաստանցիների ներհոսքի շնորհիվ ՏՏ ոլորտը Հայաստանում դարձավ ամենաարագ զարգացող ճյուղերից մեկը։
Ըստ զեկույցի` չնայած ոլորտը Հայաստանի ՀՆԱ կառուցվածքում մեծ չէ, սակայն պետությունը նպաստում է ՏՏ բիզնեսի տեղայնացմանը: Բացի այդ, ներհոսքն օգնել է Հայաստանի սպասարկման ոլորտին՝ հյուրանոց, ռեստորան, առևտուր. այստեղ գրանցվել է մինչև 30% աճ: Զեկույցում նաև նշվում է հայկական դրամի ամրապնդման և Վրաստանի, Ադրբեջանի, Ուզբեկստանի, Ղազախստանի և Մոլդովայի համեմատ ցածր գնաճի մասին: Այսպիսի հրապարակումները, ըստ փորձագետների, դրական են մեր երկրի համար:
