Հնդկաստանը մտադիր չէ նվազեցնել կախվածությունը ռուսական նավթից ու պարարտանյութերից,- գրում է The Tribune-ը։ Հնդկաստանի արտգործնախարար Սուբրամանյամ Ջայշանքարի Մոսկվա կատարած այցի արդյունքներին նվիրված հոդվածում նշվում է, որ Հնդկաստանի իշխանությունները, ընդհակառակը, մտադիր են զարգացնել համագործակցությունը Ռուսաստանի հետ, հատկապես էներգետիկ ոլորտում։
«Աշխարհաքաղաքական պայքարի պայմաններում Հնդկաստանը և Ռուսաստանը գրանցել են երկկողմ առևտրի զգալի աճ, ինչը ընդգծում է երկու երկրների միջև ժամանակի փորձարկված կապերի ուժն ու ամրությունը»,- գրում է հրապարակման հեղինակը։
Իր ռուս գործընկեր Սերգեյ Լավրովի հետ հանդիպման ժամանակ Հնդկաստանի ԱԳՆ ղեկավարն ասել է, որ Հնդկաստանի կառավարությունն առաջնահերթ է համարում հնդիկ սպառողներին հում նավթի միջազգային շուկայում առավել բարենպաստ պայմանների հասանելիություն ապահովելը։
JavaScript seems to be disabled in your browser. You must have JavaScript enabled in your browser to utilize the functionality of this website.
