Գերմանական Volkswagen Group Rus կոնցեռնի (Volkswagen, Volkswagen Commercial Vehicles, Škoda, SEAT, CUPRA, Audi, Lamborghini, Bentley, Ducati, Porsche ապրանքանիշեր) ավտոգործարանները Կալուգայում և Նիժնի Նովգորոդում կարող են վերսկսել աշխատանքը հունիս-հուլիսին,- հաղորդվում է «Ведомости» թերթում։
Գործարանները դադարեցրել են աշխատանքը մարտի 3-ին, միևնույն ժամանակ կոնցեռնը հայտարարել է Ռուսաստան ավտոմեքենաների մատակարարման դադարեցման մասին։
«Վեդոմոստի»-ի զրուցակիցներից մեկի խոսքով ՝ աշխատակիցները տեղեկացվել են պարապուրդի մասին մինչև մայիսի 12-ը, սակայն, ըստ հաստատված կանխատեսումների, այն կտևի հուլիսը ներառյալ՝ մատակարարման խնդիրների պատճառով։
Քանի որ Ուկրաինայի տարածքով տարանցումն անհնար է, իսկ Լեհաստանը չի թողնում բեռներ տեղափոխել, ընկերությունը դիտարկում է բաղադրիչները Ստամբուլի և Վրաստանի տարածքով Ռուսաստան առաքելու հնարավորությունը,- պարզաբանում է աղբյուրը։ Ընկերության ղեկավարությունը հույս ունի, որ այս հարցը կլուծվի մայիսի կեսերին,- հավելել է նա։ Թերթի մեկ այլ զրուցակից ասել է, որ նախնական խոսքը հունիսին փոխակրիչների վերագործարկման մասին է։ Ռուսաստանում Volkswagen-ը դեռ չի կրճատել 2022 թվականի արտադրության իր պլանը,- նշել է նա։ Ընկերությունը նաև պլանավորում է երրորդ հերթափոխը բացել Կալուգայի գործարանում 2023 թվականին:
Մեկնաբանություն