Ճապոնիան հաստատել է Ռուսաստան թանկարժեք մեքենաների և այլ ապրանքների արտահանման արգելքը՝ որպես տնտեսական պատժամիջոցների մաս՝ կապված Ուկրաինա ներխուժման հետ, հայտնում է Kyodo News-ը։
Վարչապետ Ֆումիո Կիսիդայի կաբինետը ապրիլի 5-ին վերանայել է էմբարգոյի մասին համապատասխան հրամանագիրը, որը վերաբերում է նաև ոսկերչությանը և արվեստին։ Նմանատիպ միջոցառումներ արդեն իսկ ձեռնարկվել են ԱՄՆ-ի և ԵՄ անդամ երկրների կողմից։ «Մենք կաշխատենք միջազգային հանրության, այդ թվում՝ G7-ի երկրների հետ՝ կոշտ պատժամիջոցներ կիրառելու համար»,- մամուլի ասուլիսի ժամանակ ասել է էկոնոմիկայի, առևտրի և արդյունաբերության նախարար Կոիչի Հագիուդան։ Ավտոմեքենաների արտահանումը կազմում է Ճապոնիայից Ռուսաստան առաքումների զգալի մասը, որը, ըստ կառավարության, 2020 թվականի տվյալների կազմել է 5 միլիարդ դոլար: Միանալով ԱՄՆ-ին և եվրոպական երկրներին Ճապոնիան հանել է Ռուսաստանի «ամենաֆերված ազգի» կարգավիճակը, որը Մոսկվային տալիս էր առանցքային ապրանքների առևտրի հնարավոր լավագույն պայմանները Առևտրի համաշխարհային կազմակերպության կանոններով։ Ճապոնիան ավելի վաղ մի քանի պատժամիջոցներ էր սահմանել Ռուսաստանի դեմ։ Դրանցից մեկը նախատեսում է սահմանափակող միջոցներ անձամբ ՌԴ նախագահ Վլադիմիր Պուտինի և ռուսական պետության բարձրագույն խմբի այլ անդամների նկատմամբ։Պատժամիջոցները ներառում են նաև Ռուսաստանի Դաշնության Կենտրոնական բանկի հետ գործարքների սահմանափակում, Ճապոնիայում յոթ ռուսական բանկերի ակտիվների սառեցում և SWIFT համակարգից անջատում, ինչպես նաև նախնական փուլում ռուսական պետական պարտքի նոր պարտատոմսերի թողարկման և գործառնությունների արգելք։
Ճապոնիան կազմել է գրեթե 300 ապրանքների և առաջադեմ տեխնոլոգիաների ցուցակ, որոնց արտահանումը Ռուսաստան և Բելառուս արգելված է մարտի 18-ից։
Մեկնաբանություն