Հնդկաստանը պատրաստվում է դիտարկել Արևմուտքի առաջարկը ՝ ռուսական նավթի գնային առաստաղի սահմանման վերաբերյալ։ Այս մասին հայտարարել է երկրի նավթի և բնական գազի նախարար Հարդիփ Սինգհ Պուրին,- հայտնում է Reuters-ը։
«Հնդկաստանը կուսումնասիրի Արևմուտքի առաջարկը ՝ ռուսական նավթի գնի առաստաղ սահմանելու վերաբերյալ։ Մենք կքննարկենք դա»,- ասել է նախարարը։ Սեպտեմբերի վերջին Հնդկաստանի արտաքին գործերի նախարար Սուբրամանյամա Ջայշանքարը հայտարարել էր, որ տնտեսության զարգացումը մեծապես կախված է նավթի և նավթամթերքի ներկրման ծախսերից։ Ռուսական հումքի մատակարարման հնարավոր կրճատումը բացասաբար կանդրադառնա երկրի ՀՆԱ-ի աճի տեմպերի վրա։
Մինչ այս, Հնդկաստանում Ռուսաստանի դեսպան Դենիս Ալիպովը հայտարարել էր, որ Հնդկաստանի կառավարությունը զգուշավոր է Ռուսաստանից նավթի գների առաստաղ սահմանելու արևմտյան երկրների գաղափարի նկատմամբ, քանի որ Դելին ցանկանում է հետևել իր շահերին։ Նրա խոսքով ՝ վերջին շրջանում Ռուսաստանից Հնդկաստան նավթի մատակարարումները սկսել են նվազել։ Սակայն այժմ խոսքը երկարաժամկետ պայմանավորվածությունների մասին է։
Մեկնաբանություն