Համաշխարհային բանկի նախագահ Դեյվիդ Մալպասը հայտարարել է, որ պատրաստվում է լքել իր պաշտոնը նախատեսված ժամկետից շուտ ՝ արդեն հունիսի վերջին։ Նրա՝ առաջիկա պաշտոնանկության մասին հայտարարությունը հրապարակվել է LinkedIn-ում։
«Ես Համաշխարհային բանկի խմբի տնօրենների խորհրդին տեղեկացրել եմ ֆինանսական տարվա վերջում թոշակի անցնելու իմ մտադրության մասին»,- գրել է Մալպասը։ Նա չի բացատրել իր հրաժարականը, սակայն Reuters-ը գրում է, որ նա տարաձայնություններ է ունեցել Սպիտակ տան հետ կլիմայի շուրջ։ Մալպասի հնգամյա ժամկետը պետք է ավարտվեր 2024 թվականի ապրիլին։ Նա այդ պաշտոնում նշանակվել էր Դոնալդ Թրամփի նախագահությամբ 2019 թվականի սկզբին։
ԱՄՆ ֆինանսների նախարար Ջանեթ Յելենն ասել է, որ ԱՄՆ-ը, որն ավանդաբար ընտրում է Համաշխարհային բանկի նախագահին, անհամբեր սպասում է Մալպասի իրավահաջորդին ընտրելու գործընթացի մեկնարկին։
JavaScript seems to be disabled in your browser. You must have JavaScript enabled in your browser to utilize the functionality of this website.
