Գերմանիայի Բունդեսթագի փոխխոսնակ Վոլֆգանգ Կուբիկին կոչ է արել անհապաղ գործարկել «Հյուսիսային հոսք 2» գազատարը,- հայտնում է Spiegel-ը։ Կուբիկկին ասել է, որ նման միջոցառումն անհրաժեշտ է ձմռանը գազապահեստարանները հնարավորինս արագ լցնելու համար։ «Հյուսիսային հոսք 2-ը չբացելու հիմնավոր պատճառներ չկան։ Եթե ​​այս ճանապարհով մեզ ավելի շատ գազ մատակարարվի, գուցե նույնիսկ պայմանագրով երաշխավորված ամբողջ ծավալը, դա կօգնի մարդկանց ձմռանը չսառել, և մեր արդյունաբերությունը լուրջ վնասներ չի կրի»,- ընդգծել է Բունդեսթագի փոխխոսնակը։ Ըստ Կուբիկկիի SP-2-ը կարող է կրկին փակվել, հենց որ գազի պահեստավորման բաքերը լցվեն։«Եվ մյուս գազատարները նույնպես, հենց որ անկախանանք։ Բայց մենք դեռ այդպիսին չենք»,- շեշտել է նա։Հիշեցնենք, որ փետրվարի վերջին Գերմանիան դադարեցրեց Nord Stream 2-ի հավաստագրման գործընթացը: