Կոնվերս Բանկի պարտատոմսերի ևս մեկ՝ 3 մլրդ դրամ և 10 մլն դոլար ընդհանուր ծավալով տրանշ ցուցակվել է Արմենիա ֆոնդային բորսայում: Պարտատոմսերի տեղաբաշխումը կատարվել է խիստ մրցակցության պայմաններում և ավարտվել սահմանված ժամկետից շուտ: Բանկում արդյունքից գոհ են. նշում են՝ սա վկայում է Կոնվերս Բանկի նկատմամբ հաճախորդների վստահության և պարտատոմսերի նկատմամբ պահանջարկի աճի մասին:
Այս անգամ պարտատոմսերի տեղաբաշխումը մեծամասամբ կազմակերպվել է Կոնվերս Մոբայլ հավելվածի միջոցով, ինչը հաճախորդների համար պարտատոմսերի ձեռքբերման առավել ժամանակակից, հարմարավետ և արագ տարբերակ է:
Եվ մեկ ձեռքբերում, որ նշում են բանկում, մեծ թվով ֆիզիկական անձ հաճախորդների ներգրավումն է:
Կոնվերս Բանկի Ներդրումային դեպարտամենտի տնօրեն Գրիգորի Զաքարյանը նշում է, որ պրոդուկտը հասանելի են դարձրել ավելի մեծ թվով հաճախորդների՝ նրանց ավելի քիչ քանակով պարտատոմսեր ձեռք բերելու հնարավորություն ընձեռելով:
Այս անգամ պարտատոմսերում ներդրում է կատարել ավելի քան 400 ֆիզիկական անձ: Մարդիկ սկսել են խնայողություններ պահպանել նաև պարտատոմսերում ներդրումների տեսքով: Գրիգորի Զաքարյանի խոսքով, պարտատոմսերում ներդրումները երաշխավորված են, եկամուտը չի հարկվում: Հետաքրքրությունը դրանց նկատմամբ հետզհետե աճում է:
Ներգրավված միջոցներն ուղղվելու են Բանկի համար սկզբունքային ոլորտների ֆինանսավորմանը: Իսկ ծրագրերի շարունակականությունն ապահովելու նպատակով լինելու են նոր թողարկումներ ու նոր պրոդուկտներ:
Բանկում մանրամասներ չեն հրապարակում: Խնդրում են սպասել մինչև տարեվերջ և վստահեցնում են՝ ներդրումային նոր գործիքները կլինեն գրավիչ ու պահանջված:
Մեկնաբանություն