Թեք մարդիկ Դիջիթեքում: Մեկնարկել է տարածաշրջանի ամենախոշոր տեխնոլոգիական ցուցահանդեսը: Team-ը ցուցահանդեսին ներկայացավ ընկերությունների խմբով՝ Team Telecom Armenia, Team Pay, Team Solutions, Team Systems և buy.am: Նրանց բոլորին միավորում է նորարար գաղափարները կյանքի կոչելու ձգտումը, պրոֆեսիոնալիզմը, ինչպես նաև սեփական երկրի տնտեսության ցուցանիշների վրա ազդելու մեծ ցանկությունը:
«Մենք հենց այսօր ստանում ենք 5G հնարավորությամբ հաճախականություն և մեկ տարի կառուցումից հետո մինչև երկու տարի արդեն 5G-ի հնարավորություն կունենանք Երևանում և մի քանի մարզկենտրոններում»,- ասաց Team ընկերություների խմբի համահիմնադիր Հայկ Եսայանը:
Թիմ ընկերությունների խմբի ամենամեծ ու լայնածավալ ծառայություններ մատուցող Team Telecom Armenia-ն Դիջիթեքին ներկայանում է տարածաշրջանում եզակի՝ 25 գբ/վ արագությամբ NGN Next Generation Network ցանցով և Cosmo սակագնային փաթեթներով: Ցուցահանդեսի մասնակիցները Team-ի գերարագ ինտերնետը կարող են փորձարկել cloud gaming գոտում՝ խաղալով ամենավերջին սերնդի խաղերը ամպային տեխնոլոգիաների միջոցով:
Հայկ Եսայանը կարևորելով Team ընկերությունների խմբի յուրաքանչյուրի աշխատանքը, հատկապես առանձնացրեց Team Systems ընկերության և Team energy նախագիծը, որն էլեկտրական մեքենաների լիցքավորման կայանների ցանց է կառուցում Հայաստանի ամբողջ տարածքում՝ խրախուսելով էլեկտրամոբիլների տարածումն ու օգտագործումը:
Վճարահաշվարկային հարցերը նույնպես լուծվում են Team ընկերության ներսում: Ընկերության Team pay համակարգով գործարքները կիրականացվեն «մեկ պատուհան» սկզբունքով, որն արդեն գործում է Team Telecom Armenia-ի 18 մասնաճյուղում, իսկ բջջային հավելվածը կթողարկվի այս տարի: Եթե ուզում եք առաջինը փորձարկել հավելվածը, ապա դրա հնարավորությունն ունեք այս օրերին՝ Դիջիթեք ցուցահանդեսին:
Մեկնաբանություն